Aımaqtar • 05 Mamyr, 2020

Atyraý: «Buıyrǵyn» kooperatıvi broıler etin óndiredi

121 retkórsetildi

Qurmanǵazy aýdanynda broıler etin óndiretin qus fabrıkasynyń jumysy jandana bastady. Osy kezge deıin jalpy kólemi 30 tonnadan asatyn ónimniń tórt partııasy tutynýshyǵa jiberildi.

Aýdan ortalyǵynan bes shaqyrym qashyqtaǵy «Buıyrǵyn» atalatyn jerde jumysyn bastaǵan jańa jobany jergilikti eki kásipker qarjylandyrdy. Olar 2018 jyldan beri qus fabrıkasynyń jobasyna 300 mln teńge ınvestısııa saldy.  Jumysshylarǵa arnalǵan jataqhana men ashana, úsh óndiristik nysan boı kóterdi. Endi tórtinshi nysannyń qurylysy salynyp jatyr.

– Qus jemin Ýfadan satyp alamyz. Tótenshe jaǵdaıǵa baılanysty eldi mekenderge ónim jetkizý qıyndaǵan edi. Biraq, bul másele jergilikti bıliktiń qoldaýymen oń sheshimin tapty. Biz qazir 500-600 gramm salmaq quraıtyn balapan ósirýdi jolǵa qoıdyq. Sondaı-aq, salmaǵy 1,5 kılolyq taýyq jáne  3,5 kılo bolatyn broıler etin óndirýdi  jandandyrdyq, -deıdi «Buıyrǵyn» aýyl sharýashylyǵy óndiristik kooperatıviniń tóraǵasy Gúlnar Omarǵalıeva.

Onyń aıtýynsha, qazir qus fabrıkasynda vahtalyq aýysymmen jergilikti jerdiń 43 adamy jumys isteıdi. Memleket tarapynan jobaǵa salynǵan ınvestısııalyq qarjynyń 25 prosenti kóleminde sýbsıdııa berilip jatyr. Sondaı-aq, agrosektordy qarjylandyrý júıesimen jyldyq ósimi 8 prosentti quraıtyn  nesıe alypty. Joba quryltaıshylary óz qarajaty esebinen gaz jáne elektr jelilerin júrgizipti. Ázirge sýdy kólikpen  tasıdy. Sol sebepten, endi sý qubyryn tartý kózdelip otyr.

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar