Medısınalyq betperdeler boıynsha óndiris ósimi «Dolche» JShS óndirisin keńeıtý esebinen boldy. Olar qysqa merzimde eki qosymsha stanok ornatyp, óndiris qýatyn 3 ese, ıaǵnı 60 myńnan 180 myń danaǵa deıin arttyrdy.
Zalalsyzdandyrý quraldarǵa kelsek, karantın kezinde keıbir kásiporyndar óz qyzmetin osy baǵytqa beıimdep, halyqqa asa qajetti ónimdi shyǵara bastady. Osylaısha, Qazaqstanda etıl spırtin óndirýshi kásiporyndar jaǵdaıǵa baılanysty zalalsyzdandyrý quraldar óndirýge kóshti: olardyń qatarynda Qostanaı oblysyndaǵy qýattylyǵy táýligine 4 000 l «ALPHA-2050» JShS, Aqtóbe oblysyndaǵy qýattylyǵy táýligine 54 000 l «Kentavr» JShSbar. Sondaı-aq «AlmaDK» JShS jáne «Mılıtarm» JShS-men birlesip, natrıı gıpohlorıti jáne etıl spırti negizinde antıseptıkalyq jáne zalalsyzdandyrý zattaryn shyǵara bastady.
Sonymen qatar, óndiris kólemin ulǵaıtý maqsatynda óz ónimderin aınalymǵa shyǵarý úshin birqatar jańa kásiporyndar tirkeý prosesinen ótip jatyr. Mysaly, Almaty qalasynda qýattylyǵy táýligine 5 myń l «DataHımProm» JShS, Atyraý qalasynda «SARI SUPPLIERS» JShS, «Raýan Nalko» JShS, Shymkent qalasynda táýligine 5 myń l shyǵaratyn «Best Pharma» JShS, Batys Qazaqstan oblysynda táýligine 600 l. óndiretin «Topan» JShS.
Ákimdikterdiń aqparaty boıynsha halyqtyń dezınfeksııalyq quraldarǵa degen qajettiligi tolyǵymen otandyq óndirýshiler esebinen qamtamasyz etiledi.
