Aımaqtar • 05 Mamyr, 2020

Stýdenttermen onlaın debat ótkizildi

61 retkórsetildi

Aqtaýda Sybaılas jemqorlyqqa qarsy is-qımyl Agenttiginiń Mańǵystaý oblysy boıynsha departamenti men Yessenov University birlesip stýdentter arasynda onlaın debat ótkizdi. Bul týraly Mańǵystaý oblystyq Sybaılas jemqorlyqqa qarsy qyzmet departamenti baspaóz qyzmeti habarlady.

Jastar arasynda sybaılas jemqorlyqqa qarsy mádenıetti qalyptastyrý maqsatynda ótken debatqa University-diń «Quqyqtaný», «Qorshaǵan ortany qorǵaý jáne ómir tirshiliginiń qaýipsizdigi» jáne «Munaı – gaz isi» mamandyqtarynyń stýdentteri qatysyp, óz pikirlerin ortaǵa saldy.

«Sybaılas jemqorlyq – jaǵymsyz quqyqtyq jáne áleýmettik qubylys» taqyrybynda ótken pikirsaıysta  Yessenov University janyndaǵy debat klýbynyń jetekshisi Qobylan Ermekbaev pen departamenttiń aldyn alý jáne parasattylyq basqarmasynyń bas mamany Hanshaıym Quspanova tóreshilik etti.

Pikirsaıys klýbynyń erejesi boıynsha aldymen fraksııalar rettik sanyn anyqtap aldy. Birinshi bolyp pikirsaıysqa túsetin «Jastar» fraksııasy úkimet, «Bolashaq» fraksııasy oppozısııa retinde pikir talastyrdy. «Qoǵamda oryn alatyn jaǵymsyz qubylys retinde sybaılas jemqorlyqpen kúresti erte jastan bastap, mektep baǵdarlamasyna sybaılas jemqorlyqqa qarsy pán engizilýi kerek» degen fraksııalar oılaryn utymdy jetkizip, pikir alańyn qalystastyra aldy.

Pikirsaıys qorytyndysy boıynsha úzdik oı-pikirlerimen kózge túsken «Bolashaq» komandasy jeńiske jetti.

-Jastar arasynda sybaılas jemqorlyqqa qarsy mádenıet qalystastyrýda osyndaı sharalar ótkizý tıimdi, stýdentter izdenedi, osylaısha olardyń boıynda sybaılas jemqorlyqqa qarsy ımmýnıtet qalyptasady, dedi Hanshaıym Quspanova.

О́z kezeginde, oqytýshy Gúlnar Izturǵanova Yessenov University men Mańǵystaý oblysy sybaılas jemqorlyqqa qarsy qyzmet departamentimen aldaǵy ýaqytta osyndaı is-sharalar jalǵasatynyn jetkizdi.

 

Mańǵystaý oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar