Qazaqstan • 05 Mamyr, 2020

Maqtaaraldaǵy zardap shekken otbasylarǵa kómek kórsetý jumystary jalǵasýda

28 retkórsetildi

Túrkistan oblysy Maqtaaral aýdanyndaǵy jaǵdaıǵa baılanysty QMDB tóraǵasy, Bas múftı Naýryzbaı qajy Taǵanulynyń bastamasymen apattan zardap shekken otbasylarǵa járdem berý jumystary jedel túrde uıymdastyryldy. Bul týraly QMDB baspasóz qyzmeti habarlady.

Meshitter men mektepterge ýaqytsha evakýasııalanǵan myńdaǵan turǵynǵa Saıram aýdany men Arys qalasynan kıim-keshek, as-sý, kúndelikti qajetti zattar jetkizildi.

Túrkistan oblysynyń bas ımamy Musabek Aqtamberdiniń aıtýynsha, Saıram aýdanynan 2 júk kóligimen azyq-túlik, kórpe-tósek, kıim-keshek jetkizilip, 20 erikti azamat 400 kisige aýyzashar bergen. Al Arys qalasynan 1 júk kóligi jáne 5 jeńil avtokólikpen 1 mıllıon teńgedeı qarajatqa as-sý jáne balalarǵa qajetti zattar jetkizildi.

«Jumyla kótergen júk jeńil» demekshi, syn saǵatynda úısiz-kúısiz qalǵan jandarǵa járdemdesýge oblystyń basqa da aýdandarynyń turǵyndary nıet tanytyp, atsalysyp jatyr. Aldaǵy ýaqytta da Maqtaaraldaǵy aǵaıynǵa kómek berý jalǵasady.

 

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar