Is-sharaǵa Abaı atyndaǵy QazUPÝ-dyń Tárbıe, áleýmettik jumys jáne jastar saıasaty departamenti, «Akselerator dobra»/«Izgilik elshisi» eriktiler qozǵalysy, ýnıversıtet qyzmetkerleriniń kásipodaǵy, Ardagerler keńesi, Jastar isi jónindegi komıteti qatysady.
Shara barysynda ýnıversıtetimizde uzaq jyldar boıy qyzmet atqarǵan, Uly Otan Soǵysynyń, eńbek maıdany jáne tyl ardagerlerine, aýǵan soǵysynyń ardagerleri jáne qaýiptiligi joǵary aımaqta qyzmet atqarǵan sarbazǵa arnaıy quttyqtaý jáne aqshalaı syıaqy tabystalady. Barlyǵy 38 ardagerge 2 670 000 teńge kóleminde aqshalaı kómek kórsetiledi, sondaı-aq ardagerlerge naqty meken-jaılar boıynsha arnaıy azyq-túlik sebetterin jetkizý josparlanýda.
Aksııa aıasynda UOS ardagerlerine 150 000 teńgeden, eńbek maıdanynyń jáne tyl ardagerlerine 50 000 teńgeden bólinedi. Aýǵan soǵysy ardagerlerine jáne qaýiptiligi joǵary aımaqta qyzmet atqarǵan sarbazǵa - 50 000 teńge kóleminde aqshalaı syıaqy tabystalady.
Osydan ózge Medeý aýdany boıynsha ýnıversıtetimizge arnaıy bekitilgen 5 ardagerge azyq-túlik korzınalary tabystalady.
Sondaı-aq, Uly Jeńistiń 75 jyldyǵy qarsańynda ýnıversıtetimizde 2020 jyldyń 27 sáýiri men 9 mamyry kúnderi aralyǵynda «Bizdiń Jeńis!» onlaın-aksııasy uıymadstyrylýda. Aksııa úsh baǵytta júrýde: - «Eshkim de eshqashan umytylmaıdy!» estafetasy. Bul estafeta barysynda ýnıversıtet UOS, eńbek maıdany jáne tyl ardagerleriniń erlikteri jastar arasynda nasıhattalady; - «Estelik izimen/ Dorogoı pamıatı» áskerı ánder baıqaýy. Baıqaý barysynda kez kelgen qatysýshy jandy daýyspen oryndalǵan ánin, vıdoe súıemelmen @kazupu_zhastary ınstagramm jelisine joldaıdy. - «Máńgilik dańq» onlaın-sherýi. Bul shara barysynda árbir stýdent nemese oqytýshy óz otbasyndaǵy UOS ardagerlerin dáriptep, taǵzym jasaıdy.
