«Bul bizdiń óńir halqynyń basyna túsken aýyr náýbet, úlken syn. Bizder, Túrkistan oblysy halqy, myzǵymas birligimizdiń, tatýlyǵymyzdyń, yntymaǵymyzdyń arqasynda mundaı syndardan talaı ret ótkenbiz. Memlekettiń, qalyń jurtshylyqtyń qoldaýymen bul synnan da ótetindegimizge senimimiz kámil. Tasqyn sýdan zardap shekken, qulaǵan, paıdalanýǵa jaramsyz bolyp qalǵan nysandardy qalpyna keltirýge, sóıtip turǵyndardy qalypty ómirge kóshirýge edáýir mólsherde qarajat, qurylys materıaldary, tehnıka men qol kúshi qajet bolady. «Birlik bar jerde, tirlik bar» degen ataly sóz bar. Endeshe árqaısymyz múmkindigimizge qaraı úlesimizdi qossaq úlken is jasaǵan, eldigimizdi tanytqan bolar edik», dedi Atakent kentinde ótken jıynda úndeý mátinin jarııa etken oblystyq ardagerler keńesi tóraǵasynyń orynbasary Kenjehan Tólebaev.
Jıynda sóz alǵan Nur Otan partııasy oblystyq fılıaly tóraǵasynyń birinshi orynbasary Beısen Tájibaev tasqyn sýmen kúres jumystarynyń barysyn baıandap, qaıyrymdylyq sharalarynyń arqasynda arnaıy qoımadaǵy azyq-túliktiń saǵat sanap molaıyp kele jatqanyn jetkizdi. Úndeýge qoldaý bildirgen turǵyndar men kásipkerler qazirdiń ózinde oblystyq qorǵa 1 mln teńge kómek qarjy aýdaryp úlgergen. Ardagerler bul kólem aldaǵy ýaqytta eselep ósip, jınalǵan qarjy-qarajattar turǵyn úı, jol salý jumystaryna baǵyttalatynyna senimdi.
Túrkistan oblysy
