Atalǵan kezeńde 41 myńnan astam almatylyq jumysqa qaıta kirisedi dep kútilýde. Iske kirisý úshin mekemeler barlyq sanıtarlyq epıdemııalogııalyq talaptarǵa saı bolýy kerek.
Bir jarym aı úzilisten keıin jumysqa kiriskenderdiń biri Erlan Nurdanbek. Shaharda óziniń jeke sulýlyq salonyn júrgizetin Erlannyń qýanyshynda shek joq. Kásipker óz kezeginde barlyq talaptardan súrinbeı ótip, mamandardyń ruqsatyn alǵan.
«Biz ashylýǵa bolady degen habarlandyrýdy estigende birden jumys ornymyzdy talapqa saı etip ázirledik. Biz úshin qyzmetkerlerimiz ben kelýshilerimizdiń densaýlyǵy bárinen mańyzdy. Shashyn qalypqa keltirgisi keletinderdi tek aldyn-ala jazylý boıynsha qabyldap jatyrmyz. Betperdesiz kelgen azamattardy qabyldamaımyz», deıdi Erlan Nurdanbek.
Almaty kásiporyndaryn qalpyna keltirýdiń úshinshi kezeńinde shashtarazdar, (aldyn-ala jazylý boıynsha), fotosalon men gúl satatyn dúkender, jyljymaıtyn múlikke qyzmet kórsetetin kompanııalar, aıyrbastaý pýnktteri birte-birte qalypty ómirge qadam basady. Sondaı-aq, qyzmet kórsetý salasynda aıaq kıim jóndeý, hımııalyq tazalaý oryndary jáne baspahanalar óz jumysyn bastaıtyn bolady.
