Keıingi anyqtalǵan 3 adam Ile aýdanynyń turǵyndary eken. Olar Qaskeleńdegi aýrýhanaǵa jatqyzyldy.
Al Jetisýdaǵy indetten ońalǵandar úlesi 39 naýqasty qurady. Búgingi málimet boıynsha oblysta koronavırýs ınfeksııasynan 9 adam emdelip shyqty. Onyń ishinde 2 men 10 jas aralyǵyndaǵy 5 bala bar.
Indetten ońalǵandardyń barlyǵy Kerbulaq aýdanynyń turǵyndary eken. Úıine barýǵa ruhsat alǵandardyń qatarynda 34 jastaǵy júkti áıel bar. Ol úsh balasymen birge Esik qalasynda em alǵan.
-34 jastaǵy júkti áıel aýrýhanaǵa pnevmonııa dıagnozymen túsken edi. Jaǵdaıy ortasha aýyrlyqta boldy. Dárigerler júkti áıeldi qatań baqylaýda ustady. Al áıeldiń úsh balasynan koronavırýs eki kúnnen keıin anyqtaldy. Balalarǵa belgili algorıtm boıynsha em júrgizildi. Eńbekshiqazaq aýdanynan tirkelgen eki bala da bir otbasy múshesi. Qazirgi ýaqytta barlyǵynyń densaýlyqtary jaqsy. Alańdaýǵa esh negiz joq, - deıdi Eńbekshiqazaq aýdandyq aýrýhanasynyń bas dárigeri Jámıla Ábeýova.
Almaty oblysy
