«О́kinishke qaraı, Sardobadaǵy apat saldarynan Qazaqstan Respýblıkasy Túrkistan oblysynyń Maqtaaral aýdanyndaǵy keıbir eldi mekender sý astynda qaldy. Biz Qazaqstan Prezıdenti Qasym-Jomart Toqaevpen telefon arqyly sóılesý barysynda bul máseleni ashyqtyq pen ózara túsinistik rýhynda talqyladyq. Keshe Túrkistan oblysynyń ákimi О́mirzaq Shókeev bastaǵan delegasııa oqıǵa ornyna baryp, jaǵdaıdy egjeı-tegjeıli zerttedi», dep beıneselektorlyq keńes barysynda Shavkat Mırzıeev málimdedi.
О́zbekstan prezıdenti tehnogendik apattyń zııany kórshiles elge de zardabyn tıgizgenine ókinishti ekenin jetkizdi.
«Biz baýyrlas qazaq halqymen bir ózennen sý ishken edik, biz týys sııaqty jaqynbyz. Biz árqashan bir-birimizdi jarqyn sátter men synaq kezeńderinde de qoldaımyz. Bul kútpegen tehnogendik apattyń bizdiń halyqqa ǵana emes, kórshi baýyrlas eldegi eldi mekenderge de zııan keltirgenine ókinemiz», - dep atap ótti Sh. Mırzıeev.
Sondaı-aq el prezıdenti apat saldaryn joıý úshin kómektesetinin aıtty.
«Biz qazaqstandyq baýyrlarymyzǵa tabıǵı apattyń saldaryn joıýǵa qajetti kómek berýge daıyn ekenimizdi bildirdik. Búkil halyqpen birge osy qıyndyqtardy da birlese eńseremiz degen senimdemin», - dep túıindedi О́zbekstan prezıdenti.
