Medısına • 06 Mamyr, 2020

Balamdy tezirek qushaǵyma alsam eken...

25 retkórsetildi

Memleket basshysy Qasym-Jomart Toqaev elimizdegi tótenshe jaǵdaıǵa baılanysty málimdemesinde «Biz indetpen kúrestiń aldyńǵy shebinde júrgen dárigerlerdi qarjylaı qoldap jatyrmyz. Densaýlyq saqtaý mınıstr­ligi jáne ákimder basqa da medısına qyzmetkerlerine kómek kór­se­tý úshin sharalar qabyldaýda» degen bolatyn. Iá, álemdi ári-sári kúıge túsirgen vırýs náýbetimen kúresip jatqan aq halatty abzal jandardyń saýapty ári jaýapty qyzmeti memleket nazarynda. Osy oraıda indetke shaldyqqan pasıenttermen tikeleı baılanysta júrgen Pavlodar oblystyq Juqpaly aýrýlar aýrýhanasynyń dáriger-ınfeksıonısi Qymbat Kazkenova dáriger bolýdyń ońaıǵa túspeıtinin aıtady.

Baıanaýyl óńiriniń Kyzyltaý aýylynda (qazirgi Júsipbek Aımaýytov atyndaǵy aýyl) týyp ósken ol, Semeı medısınalyq ýnıversıtetiniń emdeý isi fakýltetin támamdaǵan. Bul oqý or­nyn­da eń shydamdy, tózimdiler ǵana oqı alady. Jeti jyl boıy tabandylyq tanytyp, oqýyn bitirgen soń týǵan jerine kelip, eńbek jolyn bastady. 2012 jyldyń tamyz aıynan bastap Pavlodar oblystyq juqpaly aýrýlar aýrýhanasynda eńbek etip keledi.

Qymbat Temirbekqyzy atalǵan aýrý­­hanada koronavırýspen kúres ju­mys­tary jyldyń basynan bas­tal­ǵa­nyn, koronavırýs juqtyrýy múmkin adamdardy qabyldaý men zerthanalyq tekserýler júrgizilip kele jatqanyn aıtady.

«27 naýryzda qalada eń alǵashqy ko­ro­­na­vırýs juqtyrǵan naýqas tir­kel­­di. Ol naýqaspen qatynasta bol­­ǵandyqtan, biz de karantın­ge ja­byl­dyq. Elimizde indet juq­tyr­ǵan­dar sany kúnnen-kúnge arta tústi. Bizdiń qalamyzda da osyndaı jaǵdaı oryn aldy. Álemde epıdemııalyq ahýalǵa baılanysty karantınge jabylmas buryn, aýrýhana ákimshiligi bizdiń kelisimimizdi alǵan bolatyn. Sebebi indet oshaǵynda jumys isteý óte qa­ýip­ti. Otbasymnyń ruqsatymen jáne ózim­iniń boryshymdy negiz etip, óz keli­simimdi berdim», degen dáriger bir aıdan beri otbasyn kórmegen eken.

«Jańadan naýqas tirkelgen sa­ıyn kóńil-kúıimiz túsedi. Sebebi ja­ńa­dan tirkelgen ár naýqas bizdi otbasymyzdan, balalarymyzan 14 kúnge alystatady. Bul qashan aıaq­ta­­la­dy, qashanǵa deıin sozylady, eshkim naqtylap aıta almaıdy. Biz de bil­meı­miz. Ata-anam qatty alańdaýda, anam qyzym tezirek oralsa eken dep jylap júr. Árıne bizdiń bul batyl­dy­ǵymyz, tózimdiligimiz memleket tara­py­nan baǵalanyp jatyr. Qaýiptilik sanaty boıynsha aqshalaı syıaqylar be­rilýde. Bul – durys qadam. Tek al­daǵy ýaqytta da aq jeleńdi abzal jandardyń eńbegi eskerýsiz qal­ma­sa eken deımiz. Máselen, biz ınfek­sıo­nıst-dárigerler ylǵı ártúrli juq­pa­ly aýrýlarmen jumys isteımiz, qa­ýip-qater óte joǵary. Sondyqtan eńbe­gimizdiń jemisin kórgimiz keledi. Sátin salsa, otbasyma aman-esen oralyp, anashymdy ýaıymdatpaı, 4 jasar ba­lamdy qushaǵyma tezirek alsam eken», deıdi qaýip pen qaterdiń bel ortasynda júrgen batyl dáriger.

 

Sońǵy jańalyqtar

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Uqsas jańalyqtar