Rýhanııat • 06 Mamyr, 2020

Altyn júzik hám aramza patsha hıkaıasy

523 retkórsetildi

Sonaý bir jaýsoqty jyldary týǵan jerinen aýǵan bir top musylman qaýym azyp-tozyp, tentirep,  dinsizder eline kóship barǵan eken. Olar aýǵan elge óktemdik jasap, reti kelse dúnıe-múlkin bulap-talaıdy. Kóshken el bul ólke baıandy turaq bolmaıtynyn sezip, basqa jaqqa qonys aýdarýdy oılastyrady. Biraq at-kólik joq, qol qysqa, jolaı shól dalany kesip ótý úshin  azyq-túlik, sý qory jetpeıdi.

El qınalyp, ne isterin bilmeı taryǵyp turǵan sátte, kári ata-anasy bar ózi aıdaı sulý bir musylman qyz aıtady:

- Qadirli halqym, sizder mynadaı dinsiz eldinde qalyp qoısańyzdar, túptiń túbinde urpaq azady, bárimiz kápir bolyp qurımyz. Men sizderdi qutqarǵym keledi, maǵan osy eldiń basshysy sóz salyp, áıeli bolýymdy qalaıtynyn aıtty. Sol adamǵa áıeldikke baram, onyń aqysyna ol sizderge at-kólik jáne shólden ótýge jetetin azyq-sýsyn beredi. Sony alyp sizder musylmandarǵa jetip alyńyzdar. Men óz halqym úshin osylaı etýge májbúrmin, - dep jylaıdy.

Aýǵan eldiń aqsaqaldary aqyldasyp qyzdyń ýájisin qup kórip, barlyǵy oǵan aq batasyn beredi. Eldiń aq batasyn alǵan qyz patshaǵa adam jiberip, óziniń keliskenin jáne shartyn aıtady. Qyzdyń shartyn estigen patsha qarqyldap kúledi. О́ıtkeni, azǵana at-kólik pen qyz suraǵan azyq-túlik oǵan shyǵyn emes edi. Osylaı dana qyzdyń arqasynda musylman qaýym ózderi dittegen jerine jetip, jaý-jardan qutylady.

Al, dinsiz patshaǵa qatyn bolǵan qyz kúıeýiniń aıtqanyn buljytpaı oryndap, júre beredi. Qansha qınalyp beınet shekse de qulshylyǵyn tastamaıdy. Kúıeýinen kórgen qorlyq-zorlyǵyna tózip  «synaqtan keıin onyń syılyǵy baryna» úmit etip, duǵa jasaı beredi.

Aıtpaqshy bul alǵash áıel bolǵan tusta patsha qyzdan, «senderdiń dinderińde áıel bolǵan adamǵa qandaı syı jasalady» dep suraǵanda, qyz, «men neni qalaımyn sony syılaısyz»-deıdi.

- Sen neni qalaısyń?

- Siz ne syılaısyz men soǵan rızamyn.

Patsha qyzǵa óziniń esimi jazylǵan altyn júzik syılaıdy. Qyz bul syılyqty shaǵyn sandyqshaǵa salyp qoıady. Arada jyldar ótedi. Patshany shaıtan túrtedi. Áıeli joqta sandyqty ashyp júzikti alady. Ony joq etip «kimge berdiń» dep áıelin qınamaqqa bekıdi. Sóıtip, júzikti qystaqtyń qasynda aǵyp jatqan úlken ózenge laqtyryp jiberedi.

Bul oqıǵadan beıhabar áıel erteńinde sý alý úshin ózenge barady. Aýyldyń balyqshylary kóp balyq ustaǵan eken sony bólisip jatqan sátke kez keledi. Balyqshylar ádepti syıly áıelge eki balyq beredi. Áıel balyqty shelegine salyp úıine alyp keledi. Úıge kelgen soń balyqtardyń ishin jaryp tazalaıdy.

O, qudiret, bir balyqtyń ishinen altyn júzik shyǵa keledi. Anyqtap qarasa ózine kúıeýi syıǵa bergen júzik. Júgirip baryp sandyqty ashsa qobdısha bos tur. Áıel «bul istede de, bir ǵıbrat bar shyǵar» dep júzikti ornyna salyp qoıyp, eshkimge aıtpaı júre beredi. Erteńinde kúıeý shaqyrady. Barsa qabaǵynan qar jaýyp, ashýlanyp otyr eken. Birden:

- Saǵan syıǵa bergen altyn júzik qaıda?-deıdi. Áıel:

- Sandyqta saqtaýly tur.

Patsha úıdegi sandyqty saraıǵa alǵyzyp, kóptiń kózinshe:

- Sandyqty ashyp júzikti alyp shyq!-dep áıelge buıyrady. Áıel «bısmıllasyn» aıtyp sandyqty ashady, ishinen qobdıshany alyp shyǵady da, «Mine, taqsyr» dep júzikti kórsetedi. Patsha da júzikti tanıdy, dál ózi. Bul qalaı bolǵany, óz qolymen ózenge tastaǵan edi ǵoı... Aqyry áıeline shyndyqty aıtyp, júziktiń qalaısha ornynda turǵanyn suraıdy. Áıeli de eshteme jasyryp qalmaı, bolǵan oqıǵany baıandaıdy.

Táńirdiń ózi súıgen qulyn qalaı qorǵaıtynyn uǵynǵan patsha, áıelge, «sen týra jolda ekensiń men seniń dinińdi qabyldaımyn úıret!» deıdi. Áıel taǵdyryna myń ret shúkirlik aıtap, kýıeýine musylmandyqty úıretedi. Patshasy musylman bolǵan el aqyry bári musylman bolyp tynady. Osylaı bir taqýa áıeldiń arqasynda bir taıpa el esh zorlyqsyz aqıhat jolyn tapqan eken.

Sońǵy jańalyqtar

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Mamyq-maýsym

Rýhanııat • Búgin, 07:57

Uqsas jańalyqtar