Aımaqtar • 06 Mamyr, 2020

Aq Jaıyqtyń aqyndary Maqtaralǵa járdem etti

438 retkórsetildi

Aıtys aqyndary men jyrshy-termeshilerdiń Halyqaralyq odaǵy Batys Qazaqstan oblystyq fılıaly úı-jaıy sýǵa ketip, qıyn jaǵdaıda qalǵan Maqtaaral halqyna materıaldyq kómek aýdardy.

«El basyna tóngen apattan bolǵan zalaldyń ornyn toltyrý úshin jan-jaqtaǵy jomart jandar ońtústikke gýmanıtarlyq kómek jiberýde. Osyǵan oraı Aıtys aqyndary men jyrshy-termeshilerdiń Halyqaralyq odaǵynyń BQO fılıaly, ıaǵnı Aqjaıyq aıtyskerleri Maqtaaralǵa qarjylaı kómek jóneltti. Bizden barǵan qarajat apattan zardap shekken aǵaıynnyń ıgiligine jarasyn deımiz!» delingen áleýmettik jelide taralǵan habarlamada.

Aıtys aqyndary men jyrshy-termeshilerdiń Halyqaralyq odaǵy Batys Qazaqstan oblystyq fılıalyna belgili aqyn Baýyrjan Halıolla jetekshilik etedi. Qazir óńirde respýblıkalyq deńgeıdegi úlken aıtystarǵa shyǵyp júrgen 12 aqyn bar. Biraq halyq ónerine jany jaqyn, aıtysty qulaı súıetin jastar kóp. Olardyń bári Oraldaǵy Qadyr Myrza Áli atyndaǵy mádenıet jáne óner ortalyǵynyń janynan ashylǵan «Aıtys kabınetinde» jıi bas qosady. Tipti ózderiniń beıresmı quryp alǵan ortaq qory da bar eken.

- Jastardyń bastamasy ǵoı. Munyń tipti arnaıy bekitilgen erejesi, qabyldanǵan jarǵysy da joq. Árkim shama-sharqynsha tıyn-teben salady. Saıystarda júlde alǵandary aqsha aýdaryp qoıady. Sosyn qajet kezinde ózara aqyldasyp, ortaq sheshimmen paıdaǵa asyrady. Mysaly, byltyr Arystaǵy jarylystan zardap shekken aǵaıyndarǵa da qarjylaı qoldaý kórsettik. Odan bólek, jergilikti qaıyrymdylyq bastamalarǵa barynsha ún qosyp otyramyz. Keshe ǵana bizdiń ortalyqtyń qyzmetkerleri, belgili aqyndar volonter retinde óz kólikterimen muqtaj jandardyń úıine azyq-túlik taratty, - deıdi Baýyrjan Halıolla.

Aıtpaqshy, dál osy bastamanyń naq ortasynda Aq Jaıyqtyń aqyn qyzy, VII «Altyn dombyra» júldesiniń ıegeri Jansaıa Mýsına da bar. Onyń sońǵy kúnderi búkil halyqqa tarap ketken óleńi bylaı dep támamdalady:

«Basylmaı Maqtaralda aǵyn kúshi,

Pendeniń bola almaspyn sabyrlysy,

Ordaly ońtústikten Aqjaıyqqa,

Jetse eken jańalyqtyń jaǵymdysy...»

Barsha batysqazaqstandyqtardyń da tilegi osy.

 

Batys Qazaqstan

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar