Qoǵam • 06 Mamyr, 2020

Elordada Baýyrjan Momyshulyna arnalǵan mýral ashylady

21 retkórsetildi

Dańqty jaýynger, áskerı qolbasshy, Keńes odaǵynyń batyry Baýyrjan Momyshulyna arnalǵan mýral Nur-Sultan qalasy, Táshenov kóshesindegi 10-úıge ilindi. Bul týraly elorda ákimdiginiń resmı saıty habarlady.

Qazaqtyń birtýar uly, keńes odaǵynyń batyry, ekinshi dúnıejúzilik soǵystyń dańqty jaýyngeri, áskerı qolbasshy, strateg, taktık ári jazýshy Baýyrjan Momyshulyna arnalǵan mýral Nur-Sultan qalasy, Táshenov kóshesi, 10 meken-jaıynda paıda boldy.

Qabyrǵa sýretinde Baýyrjan Momyshulynyń jas kezi berilgen. Batyrdyń sýretin maıdannan týǵan-týysqandary men jaqyndaryn kútken myńdaǵan analar men sarbazdardyń jarlaryn beıneleıtin áıel qoldary ustap tur. Mundaı kórkemdik sheshim Uly Otan soǵysy eshbir otbasyn aınalyp ótpegenin aıqyn jetkizgen.

Kompozısııa maıdangerlerdiń beıbitshilik úshin soǵysqanyn, óz úıi men Otanyn qorǵaǵanyn, bolashaqtyń ashyq aspany úshin kúreskenin kórkem beınelegen. Mýraldyń avtorlary – Qazaqstan boıynsha 15-ten astam aýqymdy jumystary bar, Tigrohaudcrew komandasynyń graffıtı-sýretshileri Erjan Tanaev pen Alı Zakır.

Joba jetekshisi – Krıstına Bekmýrzaeva. Buǵan deıin shyǵarmashyl top elordada koronavırýspen kúreste aldyńǵy qatarda júrgen dárigerlerge arnap mýral salǵan bolatyn. Sýretshiler qabyrǵa sýretin salýǵa bir aıdan astam daıyndalyp, bir apta ýaqyt jumsaǵan.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Uqsas jańalyqtar