Aımaqtar • 06 Mamyr, 2020

Jetisýlyq ýchaskelik polıseı «Erligi úshin» medalimen marapattaldy

48 retkórsetildi

2019 jyldyń 6-qarashasy ádettegideı bastalǵanymen Rýdnıchnyı kenti turǵyndarynyń esinen ketpeıtin kún bolyp qalady dep eshkim kútpegen edi. Aýyldaǵy ýchaskelik polısııa ınspektory Erbol Amanbaev ta úırenshikti jumys orynynda otyrǵan bolatyn. Kenetten soǵylǵan qońyraý kapıtandy selt etkizdi...

Tekeli qalasyna qaraıtyn Rýdnıchnyı keńestik dáýirde ataǵy aspandap turǵan eldi mekenniń biri bolǵan. Ataýy áli ózgermegen bul aýylda negizinen kenshiler qonystanǵan edi. Qazynaly óńirde qazir de 1000 adamnan astam turǵyn tirshilik keship jatyr. Munda kezinde salynǵan 3 qabatty kóp páterli úılerde turatyn áýletter kóp. Sol kúni aýyldy dúrliktirgen oqıǵa da osy páterdiń birinde bolǵan.

«...Kapıtan, kómektesińiz úı órtenip jatyr!» degen habardy estı sala Erbol Amanbaev Tekelidegi órt sóndirýshilerge júre habar berip, kenttiń kóp páterli úıleri ornalasqan kóshege asyqqan. Kelse, terezden kók tútin shyǵyp jatyr eken. Birinshi qabattaǵy páterdiń esigi jabyq. Ishten ilingen eken, qatty-qatty qaqqanymen dybys bilinbedi. «Demek, adamdar tútinge tunshyqqan boldy. Esikti buzý kerek...» degendi oılap úlgergen ýchaskelik ınspektorge eski taqtaı esikti syndyryp ashý asa qıyn bolmady. Kapıtan ishke kirgende as úıden shyqqan tútinniń arasynan qyzyl jalyn sýmańdaı bastaǵan edi. Úı ıesin dálizden tapty. Iis tıip qulaǵan bolýy kerek. Áıel adamdy qapsyra kóterip alyp, esik aldyna shyǵaryp jatqyzdy da, páterge qaıta umtyldy. As bólmege jetip, gaz ballonyn izdep tapty. Qyrsyqqanda, qutyǵa bekitilgen redýktor aǵytylar emes. Erbol qaltasynan bákisin shyǵaryp, rezeńke shlangany kesip jiberdi. Kógildir otyn toly ydysty syrtqa alyp shyqqanda as úıdiń qabyrǵasyndaǵy túsqaǵaz da laý ete qalǵan edi, dál sátinde úlgeripti. Endi biraz keshikkende gaz qutysyna jalyn tıip, ol jarylǵandaı eken. Bul kezde úı ıesi Roza apaıda esin jıyp, jınalǵan kórshi-qolańnyń kómegine júginip jatty. Al polıseı órt shalǵan páterge qaıta oralyp, bólme ishin muqııat teksere bastady. Úı ıesinen basqa adamnyń joǵyna kóz jetkizgesin, as úıdegi otty sóndirýge kiristi.

- О́rt as bólmedegi tońazytqyshtyń túbindegi elektr qurylǵysynan tutanǵan bolýy kerek, aldymen sol balqyp, janypty. Áýeli úı ıesi órtti ózi óshirmek bolǵanǵa uqsaıdy, biraq tútinge qaqalyp, qulap túsken eken. Gaz ballonyn qaýipsiz jerge shyǵarǵasyn, órtti sóndirmek boldym. Bul kezde as úıdiń qabyrǵasy tutas laýlap jatty. Derek jýynatyn bólmeden sý tasyp, jalyndy aýyzdyqtaýǵa kiristim. Jalynnyń qatty bolǵany sondaı, oń qolymdy qatty kúıdirip aldym, - dep eske alady sol oqıǵany plısııa kapıtany Erbol Amanbaev.

Jalpy, Rýdnıchyı aýyly Tekeli qalasynan 60 shaqyrymdaı alysta jatyr. Taý arasyndaǵy jolmen júrip ótý biraz ýaqytty alady. О́rt sóndirýshiler kelip jetkenshe tilsiz jaý basqa páterlerdi de sharpyp, tutas úı otqa oranar edi. Al ábjil áreket etip, tútinnen taısalmaǵan Erboldyń arqasynda órt aýyzdyqtalyp, qaýip seıildi. Endi aırandaı uıyǵan shaǵyn aýyl turǵyndary ýchaskelik ınspektordyń bul erlik isine súıinip, únemi alǵys aıtyp júr. Ajal aýzynan qalǵan Roza Lobova da Erbolǵa analyq aq batasyn beripti.

Quqyq qorǵaý salasynda 14 jyldan beri qaltqysyz qyzmet etip kele jatqan kapıtan Erbol Amanbaevtyń erligi eskerýsiz qalmady. Bastapqyda oblystyq polısııa basqarmasy men jerglikti ákimdik tarapynan qurmet kórsetilse, kúni keshe memlekettik deńgeıde marapattaldy. Prezıden Qasym-Jomart Toqaevtyń jarlyǵymen marapattalǵan quqyq qorǵaý jáne áskerı qyzmetkerler tiziminde Tekeli qalasy polısııa bóliminiń Rýdnıchnyı kentindegi ýchaskelik ınspektory Erbol Amanbaevtyń da aty ataldy. Kapıtannyń óz qyzmetine adaldyǵy men adamdar aldyndaǵy paryzyn  alǵaýsyz atqarǵan eńbegi «Erligi úshin» medalimen atap ótildi.

Sońǵy jańalyqtar

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar