Qytaıdyń Shandýn provınsııasynyń ákimshilik ortalyǵy - Szınan qalasynyń halyqtyq soty búgin Chýnsın qalasy partııa komıtetiniń burynǵy birinshi hatshysy Bo Sılaıdy ómirlik túrmede otyrý jazasyna kesti. Bul týraly ITAR-TASS habarlady.
Sot ony aıyptaýdyń barlyq tarmaqtary boıynsha kináli dep tapty. Sonyń ishinde jemqorlyq pen bılikti asyra paıdalaný baby da bar. Sotqa usynylǵan aıyptaý qorytyndysynda partııa sheneýniginiń bılikti paıdalana otyryp,
26,79 mln. ıýan (4,37 mln. dollar) kóleminde para alǵany keltirilgen.
64 jastaǵy Bo Sılaı men onyń otbasysy Qytaıdyń 2012 jylǵy qarasha aıynda ótken XVIII sezi qarsańynda úlken saıası janjaldyń taqyrybyna aınaldy. Sol jylǵy tamyz aıynda onyń áıeli Bogý Kaılaı Brıtanııa azamaty Nıl Heıvýdti óltirgeni úshin eki jyldyq kidirte turý merzimimen ólim jazasyna kesilgen bolatyn. Qyrkúıekte Bo Sılaıdyń oń qoly sanalyp júrgen Chýnsın qalasynyń vıse-meri Van Lıszıýn 15 jylǵa kesildi. Al qazan aıynda kezek birinshi hatshynyń da ózine keldi.
Sáken Maılybaı.
