Ekonomıka • 06 Mamyr, 2020

Otandyq zańgerler AQSh pen Ulybrıtanııada advokat bola alady

40 retkórsetildi

AHQO Quqyq akademııasy AQSh-tyń BARBRI halyqaralyq zań bilimin berý uıymymen áriptestik kelisimshartyna qol qoıdy. Bul týraly AHQO baspasóz qyzmeti habarlady.

Kelisimshart aıasynda Ortalyq Azııa men Reseıdiń zańgerleri AQSh pen Ulybrıtanııada advokattyq qyzmetpen aınalysýǵa múmkindik aldy. Ol úshin úmitkerler AHQO Quqyq akademısynan arnaıy kýrs ótip, synaq tapsyrýy kerek. Synaqtan ótken zańgerler Kalıfornııa men Nıý-Iorkte advokat mártebesin alady nemese Ulybrıtanııada solısıtor, ıaǵnı kásipqoı zańger bola alady.

Qazirgi tańda álem boıynsha birneshe ıýrısdıksııany meńgergen zańgerlerge suranys artty. BARBRI men AHQO Quqyq akademııasy amerıkalyq bilim berý júıesi joq oqý oryndarynyń zańger túlekterin AQSh-ta advokat mártebesin alý úshin tapsyratyn emtıhanǵa daıyndaıdy. Kýrs aptasyna oqý saǵatynyń sanyna baılanysty 6-10 aıǵa sozylady.

3 nemese 4 jyldyq jalpy (presedenttik) quqyq salasynda dıplomy bar túlekter Nıý-Iorkte advokat bolyp jumys isteý úshin synaq tapsyra alady. Al jalpy nemese kontınentaldy quqyq dárejesi bar zańgerler Kalıfornııada jumys isteý úshin tıisti synaq tapsyrý múmkindigine ıe bolyp otyr.

Al solısıtor deńgeıin alyp, Anglııa men Ýelste qyzmet etkisi keletin zańgerler Qualified Lawyer Transfer Scheme (QLTS) atty halyqaralyq emtıhannan ótýi kerek. Bul synaqtan ótip, atalǵan elderde advokattyqpen aınalysý quqyǵyna ıe bolǵan mamandar halyqaralyq naryqta joǵary suranysqa ıe ekeni belgili.

QLTS emtıhany teorııalyq jáne praktıkalyq bólimnen turady. Keshendi synaq kommersııalyq jáne salyq quqyǵy, azamattyq jáne qylmystyq prosess, múlik qatynastary men muragerlik sekildi negizgi dıssıplınalardy qamtıdy. Synaqtyń birinshi bólimi onlaın tapsyrylatyn test. Bul úmitkerdiń aǵylshyn quqyǵyn qanshalyqty biletinin tekseredi. Ekinshi bólim – Objective Structured Clinical Examination (OSCE). Shamamen bir aptalyq emtıhanda úmitkerdiń suhbattasý, oratorlyq jáne analıtıkalyq oılaý qabiletteri synalady. Munda úmitkerler aǵylshyn zańnamasyn bilip qana qoımaı, ony naqty is kezinde paıdalana alatynyn da kórsetýi tıis.

Atalǵan synaqtan ótken zańger jan-jaqty, básekege qabiletti, jahandyq deńgeıde jumys isteı alatyn maman bolyp shyǵady. Otandyq zańgerlerge berilgen osyndaı teńdessiz múmkindikti paıdalana alǵan úmitkerler synaqty sátti tapsyryp shyqsa, eshqandaı taǵylymdamasyz, birden AQSh-tyń nemese Ulybrıtanııanyń tolyqqandy zańgeri bolyp shyǵady.

AHQO basshylyǵy otandyq zańgerler men osy saladaǵy stýdentterdi osy múmkindikti jiberip almaýǵa shaqyrady. «Biz zańgerlerdi daıarlaý jónindegi álemdik naryqtaǵy kóshbasshy BARBRI-men yntymaqtasýǵa qýanyshtymyz. BARBRI-men seriktestik biregeı múmkindikter beredi. Biz zańgerler men stýdentterdi AHQO Quqyq akademııasynyń alańynda osy múmkindikti paıdalanýǵa shaqyramyz», - deıdi AHQO Ákimshiligi Basqarma Tóraǵasynyń birinshi orynbasary Marat Áıtenov.

О́z kezeginde BARBRI basqarýshy dırektory Sara Hatchınson da AHQO-nyń osy baǵyttaǵy jumystaryn joǵary baǵalap otyr. «AHQO Quqyq akademııasy – óńirlik zańgerlerge halyqaralyq kommersııalyq quqyq salasyndaǵy bilim men daǵdylardy alýǵa kómektesetin biregeı oqý platformasy. Biz zańgerlerge eń qolaıly jaǵdaı jasaý úshin Akademııanyń seriktesi bolýǵa qýanyshtymyz», - deıdi Sara Hatchınson.

Aıta keteıik, BARBRI búkil álem boıynsha 1,3 mıllıon zańgerge emtıhan tapsyrýǵa (U.S. bar exam) kómektesti. BARBRI joǵary oqý oryndary men zań kásiporyndaryna arnalǵan ońtaıly sheshimderiniń tolyq jıyntyǵyn usynady. Olarǵa AQSh-taǵy emtıhandarǵa daıyndyq, oqý baǵdarlamasy, halyqaralyq biliktilikterge daıyndyq, baǵdarlamalardy onlaın-basqarý jáne kásibı damý kiredi.

Sońǵy jańalyqtar

Portret (Úshtaǵan)

Ádebıet • Búgin, 08:51

Ár adam – jerdiń tutynýshysy

Ekologııa • Búgin, 08:48

Osyndaı elim bar!

Pikir • Búgin, 08:42

Ár eldiń óz damý joly bolady

Saıasat • Búgin, 08:40

Baılamy bekem bátýaly sóz

Saıasat • Búgin, 08:37

Keı óńirde vırýs órshı tústi

Koronavırýs • Búgin, 08:24

StopMusor ekologııalyq jobasy bastalady

Ekologııa • Búgin, 08:22

Toıymsyzdyq – tas joldyń sory

Qoǵam • Búgin, 08:14

«Meniń Týym» aksııasy ótti

Aımaqtar • Búgin, 08:09

Elimizdiń basty qundylyqtary

Saıasat • Búgin, 08:06

Sharalar qatań saqtalýy tıis

Tennıs • Búgin, 08:04

«Barys» – úzdikter qatarynda

Hokkeı • Búgin, 08:03

Ushty, ushty, shatyr ushty!..

Qoǵam • Búgin, 07:56

Yntymaqtastyq yrysymyzdy eseleıdi

Pikir • Búgin, 07:45

Almatyda aqyn kóp...

Ádebıet • Búgin, 07:44

«Aqbilek». Jan jarasy...

Ádebıet • Búgin, 07:42

Shuǵyla-nurdy betke alyp...

Rýhanııat • Búgin, 07:38

Abaıǵa arnalǵan músháıra

Abaı • Búgin, 07:36

Jalǵyz kompanııa Alataýdy ıgere ala ma?

Ekonomıka • Búgin, 07:28

Tarıh tarazysyndaǵy tórt jaıt

Tarıh • Búgin, 07:15

Salǵyrttyq san soqtyrmasyn

Qoǵam • Búgin, 07:10

Kósh basynda – Meıvezer

Kásipqoı boks • Búgin, 07:10

Eldik nyshandar tarıhy

Qazaqstan • Keshe

Uqsas jańalyqtar