Qoǵam • 06 Mamyr, 2020

Qazaqstan halqy Assambleıasy Otan qorǵaýshylar kúnimen quttyqtady

17 retkórsetildi

Bul týraly Qazaqstan halqy Assambleıasynyń baspasóz qyzmeti habarlady.

- Qurmetti otandastar! Sizderdi Otan qorǵaýshylar kúnimen shyn júrekten quttyqtaımyz. Bul mereke – Qazaqstan Qarýly kúshterine halyqtyń zor qurmetin kórsetedi, el turǵyndarynyń áskerı qyzmetke senimin nyǵaıtyp, azamattyq borysh pen áskerı mindettiń mártebesin arttyrady. Bizdiń tarıhymyz shynaıy patrıottyq sezim men áskerı  erliktiń, qaıtpas  qaısarlyq pen batyldyqtyń úlgisine toly. Barlyq ýaqytta memleket pen halyq aldyndaǵy  boryshyn adal atqaryp júrgen batyrlar beınesi erekshe maqtanysh pen qurmet-bedelge ıe. Myńdaǵan batyrdyń esimi halyq jadynda máńgi saqtalyp qaldy.

Otandy qorǵaý – qurmetti mindet. Tótenshe jaǵdaı jarııalanǵan búgingi tańda da áskerı qyzmetshiler eriktilermen birlesip, karantınge qarsy kúreste óz bastaryn qaterge tigip, aldyńǵy sapta júr. Qurmetti Otan qorǵaýshylar!Sizderge shyn júrekten baqyt, tatýlyq pen kelisim, amandyq-saýlyq tileımiz. Ásirese, sizderdi kútip otyrǵan otbasylaryńyz ben jaqyndaryńyzdy aıryqsha quttyqtaımyz. Tórt kózderińiz túgel bolsyn! Mereke árdaıym beıbitshilik pen qýanysh alyp kelsin, - delingen quttyqtaýda.

 

 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar