Aımaqtar • 06 Mamyr, 2020

Maqtaralǵa Syrdan kómek kerýeni jiberildi

205 retkórsetildi

Sý tasqynynan zardap shekken Túrkistan oblysy Maqtaral aýdany turǵyndaryna búgin Syrdan alǵashqy kómek kerýeni jiberildi.

Oblystyq «Jastar resýrstyq ortalyǵy» janynan gýmanıtarlyq kómek uıymdastyrý sharasyna kásipkerler men qarapaıym turǵyndar úles qosyp, eki kúnniń ishinde 15 tonnaǵa jýyq azyq-túlik, kımi-keshek pen gıgıenalyq zattar jınalǵan.

Oblys ortalyǵyndaǵy «Taǵzym» alańynan jolǵa shyqqan gýmanıtarlyq kómekti syrboıylyq 15 erikti bastap barady.

- Maqtaral jurtynyń basyna túsken qıyndyq barlyq elge ortaq. Biz osy saparymyzda ondaǵy aǵaıynnyń jaıyn bilip, qoldaý kórsetip, aldaǵy ýaqytta qandaı járdem qajettigin bilip qaıtamyz, – deıdi kómek kerýenin uıymdastyrýshylardyń biri, belgili aıtysker aqyn Muhtar Nııazov.

Mundaı gýmanıtarlyq kómekter oblys ortalyǵymen qatar aýdandarda da uıymdastyrylyp jatyr. Osy kerýenge Syrdarııa aýdany eriktileriniń kómegi kelip qosylsa, Jańaqorǵan aýdanynyń volonterleri jınaǵan járdem tıelgen kólikter de jolǵa shyqqan.

Volonterlardyń oblystyq shtaby jetekshisi Olga Chebakovanyń aıtýynsha kórshi óńirge kómek kerýeni alda da uıymdastyrylady.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar