Semeı qalasyndaǵy «Nıet» qaıyrymdylyq qory Besqaraǵaı aýdanynyń jaǵdaıy tómen otbasylaryna kómek kórsetti. Qor bıylǵy jyldyń aqpan aıynda aýdandaǵy 85 otbasyna (428 adam) LC Waikiki fırmasynyń kıim-keshekterin tartý etipti.
«Búgingi tótenshe jaǵdaı kezinde de qor aýdanymyzdy nazardan tys qaldyrmady. 85 otbasyna áleýmettik mańyzdaǵy azyq-túlik sebetin ákelip, jaǵdaıy tómen otbasylarǵa tabys etti. Syn saǵatta kómek qolyn sozǵan «Nıet» qoǵamdyq qory fılıalynyń dırektory Aıdos Serikqalıulyna, orynbasary Merýert Kısamenovaǵa alǵysymyzdy bildiremiz» deıdi besqaraǵaılyqtar.
«Pandemııa adamdardyń qarjylyq jaǵdaıyna áser etýde. Biz qoǵamdyq uıymbyz jáne azamattardan qaıyrymdylyq kómek qabyldaımyz. Sondyqtan kez kelgen daǵdarysty birinshi bolyp sezinemiz, bizden kómek suraıtyndar óte kóp. Mundaı ıgi ister aldaǵy ýaqytta da jalǵasyn tabatyn bolady» deıdi Merýert Kısamenova.
Shyǵys Qazaqstan oblysy,
Besqaraǵaı aýdany
