Qoǵam • 01 Mamyr, 2020

Tegin reseptimen beriletin dáriler tizimi anyqtaldy

11 retkórsetildi

Nur-Sultan qalasynda bıylǵy úsh aıda 3 aıda 1,7 mlrd teńgege jýyq somasynda 167 210 tegin resept berilgen. Al 30 sáýirdegi jaǵdaı boıynsha 2,5 mlrd teńge somasyna 245 296 tegin resept taratylǵan. Bul týraly Áleýmettik medısınalyq saqtandyrý qorynyń elorda boıynsha fılıalynyń dırektory Aıdar Seıitqazınov aıtty.

«Áleýmettik medısınalyq saqtandyrý qory»  KEAQ Nur-Sultan qalasy boıynsha fılıaly baspasóz qyzmetiniń málimeti boıynsha, elordalyq fılıal normatıvtik-quqyqtyń aktilerge sáıkes dárilik zattar men medısınalyq buıymdarǵa berilgen tapsyrystardy ambýlatorııalyq deńgeıde kelisedi. Dálirek aıtsaq, bas qala turǵyndaryn tegin reseptimen beriletin dári-dármekpen qamtamasyz etý emhanalar janyndaǵy dárihanalar arqyly júzege asyrylady, ıaǵnı  dárilik zattar men medısınalyq buıymdar»SK-Farmasııa» JShS biryńǵaı dıstrıbıýtormen jasalǵan shart boıynsha aldymen dárihanalarǵa kelip túsedi. Nur-Sultan qalasynda reseptimen dári úlestiretin 33 medısınalyq uıym dárihanasy bar. Bul joly da fılıal men emhanalar tegin beriletin dárilerdiń tizimin kelisti.

Jalpy tegin emes jeńildikpen dári bólinetin belgili bir aýrý túrleri bar. Onyń biri tegin medısınalyq kómektiń kepildendirilgen kólemi aıasynda dıspanserlik esepte turatyn azamattarǵa 34 aýrý túri boıynsha beriledi. Mysaly, qant dıabetine shaldyqqan syrqattarǵa qant mólsherin túsiretin tabletka túrindegi preparattar, ınsýlınder jáne medısınalyq buıymdar tegin beriledi.

Sondaı-aq eresekterge mindetti áleýmettik medısınalyq saqtandyrý aıasynda 41 aýrý túri boıynsha dári-dármekter tıesili. Atap aıtqanda, bastapqy ókpe gıpertenzııasy, temir tapshylyǵy anemııasy, akromegalııa, reaktıvti artrıt, Parkınson aýrýy, psorıaz syndy syrqatpen aýyratyndar dárini tegin ala alady.

Al balalarǵa protozoıly aýrýlar, gelmıntozdar, qyshyma, selıakııa, erte jynystyq damý, rahıt, shashyrańqy skleroz sekildi bas-aıaǵy 65 aýrý túrine dári áleýmettik medısınalyq saqtandyrý aıasynda tegin beriledi.  

Sonymen qatar, medısınalyq jáne áleýmettik kórsetkishteri boıynsha bir jasqa deıingi sábıleri bar analar da qajet bolǵan jaǵdaıda ana sútin almastyratyn sút qospalaryn tegin ala alady.

Tegin resept týraly pasıentter ózi tirkelgen emhanadaǵy ýchaskelik dárigerden bile alady. Emdelýshilerge tegin dárini berý jónindegi sheshimdi dáriger qabyldaıdy.

Qymbat TOQTAMURAT

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar