Aımaqtar • 06 Mamyr, 2020

Almatyda Qoǵamdyq medısınalyq keńes qurý ne úshin qajet boldy?

14 retkórsetildi

Almaty qalasynyń ákimi Baqytjan Saǵyntaevtyń tapsyrmasy men Densaýlyq saqtaý mınıstri Eljan Birtanov belgilegen medısınalyq qaýymdastyqpen ózara árekettestik júıesin qurý jónindegi nusqaýyna sáıkes, shahar basshysynyń orynbasary Erjan Babaqumarovtyń basshylyǵymen Almaty qalasynyń Qoǵamdyq medısınalyq keńesi quryldy (AQMK).

Keńestiń quramyna medısınalyq qaýymdastyqtardyń 140-qa tarta jetekshi profıldi sarapshylary men ókilderi endi. Olardyń qatarynda azamattyq belsendi, «AGjPǴO» AQ táýelsiz dırektory Aıda Áljanova, TRIZ-fasılıtator, halyqaralyq akkredıtasııalanǵan medıator Irına Vıgovskaıa, «Almaty klınıkalary qaýymdastyǵy» JKjZTB atqarýshy dırektory Rasýl Dúısenov, Qazaqstandyq reprodkýtıvti medısına qaýymdastyǵynyń prezıdenti, joǵary sanatty akýsher-gınekolog dáriger Vıacheslav Lokshın, A.N.Syzǵanov atyndaǵy «Ulttyq ǵylymı hırýrgııa ortalyǵy» AQ basqarmasynyń tóraǵasy Bolatbek Baımahanov, sonymen birge, respýblıkalyq medısınalyq ortalyqtardyń, memlekettik jáne jekemenshik uıymdardyń, medısınalyq ýnıversıtetterdiń, qalalyq densaýlyq saqtaý basqarmasy men taýarlar men qyzmetterdiń sapasyn baqylaý departamentiniń ókilderi bar.

Keńestiń mindeti – qazirgi jaǵdaıǵa taldaý jasaı otyryp, Almaty qalasynyń densaýlyq saqtaý júıesin damytý jónindegi sharalardy uıymdastyrý. Keńes qurylymynda kelesideı baǵyttar boıynsha úsh jumys toby qurylǵan: dárigerlerdiń vırýsty juqtyrýyn boldyrmaý, qazirgi shynaıy jaǵdaıdaǵy medısına uıymdarynyń jumysy, Almaty qalasynda densaýlyq saqtaý júıesiniń postkrızıstik damý strategııasy.

«Memleket basshysy atap ótkendeı, aldaǵy daǵdarystarǵa daıyn bolý úshin densaýlyq saqtaý júıesin jańǵyrtyp, qoıylǵan mindetterdiń basymdyǵyn qaıta qaraý úshin jańa bastamalardy qolǵa alýymyz kerek. Qoǵamdyq medısınalyq keńestiń maqsaty – Almaty qalasy densaýlyq saqtaý júıesiniń postkrızıstik damýy úshin qajetti sharalar paketin jasap shyǵarý. Jańa tásilder medısınalyq qyzmet kórsetýdiń joǵary sapasyn qamtamasyz etýge, qalalyq medısınalyq qoǵamdastyqtyń azamattardyń densaýlyǵyna qatysty jaǵdaılarda tez áreket etýge,sonymen birge, áldeqaıda tez taraıtyn aýrý túrlerine qarsy  baǵyttady», – dep atap ótti E.Babaqumarov.

Kezdesý barysynda medısına qyzmetkerleriniń eńbek qaýipsizdigin qamtamasyz etý jáne olardyń koronavırýs ınfeksııasyn juqtyrý qaýpinen qorǵaý tásilderi qarastyryldy. Jekeleı alǵanda, medısına qyzmetkerleriniń jeke qorǵanysh quraldary sapaly testtermen qamtylýyn jáne koronavırýsty tekserýde zerthanalyq zertteýlerdi jaqsartý jaıy da sóz boldy.

Keńes músheleri tarapynan memlekettik jáne jekemenshik medısınalyq uıymdardyń jumys tıimdiligin arttyrý, jumys barysyn jetildirý, medısınalyq qyzmetterge qoljetimdilikti arttyrý, halyqpen jáne qalanyń ishki medısınalyq qoǵamdastyqtarymen baılanysty jaqsartý, sondaı-aq, otandyq medısınaǵa degen halyqtyń senimin arttyrý jóninde birqatar usynystar aıtyldy.

«Búgingi tańda medısınalyq qyzmetkerleri kúızeliste jáne olarǵa artylǵan júk te aýyr bolyp otyr. Sol sebepti medısına mekemeleriniń barlyq qyzmetkerlerine arnap qashyqtan streske qarsy baǵdarlama jasaý usynysy bar. Bul salada bizde aıtýy mamandarymyz da bar», – dedi TRIZ-fasılıtator, halyqaralyq akkredıtasııalanǵan medıator Irına Vıgovskaıa.

«Almaty klınıkalary qaýymdastyǵy» JKjZTB atqarýshy dırektory Rasýl Dúısenov medısına qyzmetkerleriniń vırýs juqtyrý jaǵdaıyn taldaýǵa jiti nazar aýdardy. Bul eńbek qaýipsizdigin qamtamasyz etý jóninde jańa ádisterdi jasaýda, sonymen birge dárigerler arasynda jańadan juqtyrý jaǵdaıyn boldyrmaý úshin kerek.

О́z kezeginde azamattyq belsendi Aıda Áljanova bul bastamanyń Keńes quramyndaǵy árbir músheniń osy iske belsendi qatysýyn qajet etetin, durys ujymdyq sheshim qabyldaýǵa uıytqy bolatyn fasılıtasııa tehnologııasyn qoldana otyryp jasalatyn jańa jumys formaty ekendigin atap ótti. Barlyq usynystar júıege keltirilip, egjeı-tegjeıli túrde tekseriledi. Olardyń negizinde qalanyń medısınalyq uıymdaryna arnap daǵdarys kezinde jáne odan keıingi kezeń úshin strategııa qurylmaq.

Otyrys qorytyndysy boıynsha Almaty qalasy ákiminiń orynbasary Erjan Babaqumarov Keńestiń ınstıtýttandyrylatynyn jáne onyń tek koronavırýs ınfeksııasymen kúresý sharalaryn júrgizýmen ǵana emes, karantın aıaqtalǵannan keıin de jumysyn jalǵastyratynyn atap ótti.

«Qoǵamdyq keńes medısınalyq qoǵamdastyqpen dıalog qurýdyń yqpaldy tetigine aınalady. Keńestiń qatysýymen tájirıbede júzege asyrýǵa usynylatyn qorytyndy qujattar jasalady», – dedi E.Babaqumarov.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar