Aımaqtar • 07 Mamyr, 2020

Bardy uqsata almaý – basshylarǵa syn

11 retkórsetildi

Jambyl oblysynda bastaý alǵan óńir turǵyndarynyń turmystyq tabysyn arttyrýǵa arnalǵan qanatqaqty joba búginde óziniń jemisin bere bastady. О́ńirdiń 10 aýdanynan tańdap alynǵan 11 aýyldyń turǵyndary tómen paıyzben nesıe alyp, memleket qoldaýynyń ıgiligin kórýde. Tórt túlik baǵyp, tabysqa kenelýde.

El Úkimetinen qoldaý tapqan atalǵan jobanyń júzege asyrylý barysyn oblys ákimi Berdibek Saparbaev nazarda ustaı­tynyn aıtqan. Memleket tarapynan qoldaý bar, endi sol múm­kindikti tıimdi paıdalaný, qolda bardy uqsatý da tıisti bas­shy­lardyń mindeti bolsa kerek.

 Degenmen, qanatqaqty joba aıasynda bólingen qarajatty ıgerýde óńirde olqylyqtar bar bolyp shyqty. Oblys ákimi atalǵan másele boıynsha jumysy nashar basshylardy synǵa da alǵan bolatyn. «Qarajat tórt aı buryn bólingen, biraq biz áli de ony tolyq ıgere almaı otyrmyz. Jobanyń bolashaǵy bizdiń búgingi jumysymyzǵa baılanysty. Alǵashqy kezeń jemisti júzege asqan jaǵdaıda ǵana jobany odan ári qarjylandyrý sharalary jalǵasyn tabady», dedi B.Saparbaev. Al oblystyq aýyl sharýashylyǵy basqarmasynyń basshysy Berik Nyǵmashevtyń aıtýynsha, qanatqaqty jobanyń bes baǵytynyń tórteýi búginde tolyǵymen qarjylandyrylǵan. Alaıda búgingi tańda tek mal satyp alýǵa arnalǵan 500 mln teńgege jýyq qarajat ıgerilmeı otyr eken. Aýyldy jerlerdegi azamattardyń da kózdegeni berilgen qarajatqa mal alyp, ony baǵyp, tirligin tikteý ǵoı. Bul bir jaǵynan joba arqyly aqsha alyp, mal ósirýge nıetti turǵyndardyń qolyn baılaıtyn da kórsetkish. Endi bar nárseni uqsata almaý da basshylarǵa syn emes pe?! Biraq atalǵan basqarma basshysy bul jumystardyń bir aptanyń ishinde aıaqtalatynyn aıtady.

 Jalpy, Jambyl óńirinen bastaý alǵan bul joba aýyl tur­ǵyndarynyń áleýmettik máse­lelerin sheshýge zor múmkindik beredi. Alaıda ony uıymdastyrý jumystarynyń ýaqtyly she­shimin tappaı otyrǵany da syn sadaǵyna ilingen. Úkimet tarapynan eger artyqshylyǵy dáleldenip, turǵyndardyń tur­mysyn jaqsartýǵa septigi tıe­tin bolsa, onda elimiz boıynsha taratylady degen jobanyń keıbir jumystarynda osyndaı kemshilikter bar eken. Sondaı-aq qurǵaq eseptiń de osyndaıda isti alǵa bastyrmaıtyny kórinedi. Bul rette B.Saparbaev usynylǵan málimetterdiń ara­syndaǵy alshaqtyqty da synǵa alyp, aýdandardyń eshqaısysy belgilengen merzim, ıaǵnı 10 naýryzǵa deıin jumystardy tolyq aıaqtap úlgermegenin de aıtqan. Endi barlyq aýdan ákimderi men aýyl sharýashylyǵy basqarmasynyń basshysy bir aptanyń ishinde bólingen qa­rajattyń tıimdi ıgerilýin qam­tamasyz etýi kerek. «Eger biz bólingen qarajatty utymdy uq­sata almaıtyn bolsaq, jobaǵa qatysýshylardyń sany kóbeı­gen kezde jumysty qalaı júr­gizemiz?», deıdi ákim.

 Shyny kerek, áli de bolsa bul joba týraly bilmeıtin, bilse de túsinbeıtin adamdar kóp. Tipti nesıe alýdyń jolyn, onyń tıimdiligin bilmeıtin turǵyndar da bar. Sondyqtan atalǵan joba aıasynda túsindirý jumystaryn kúsheıtýdiń mańyzy orasan. Sonymen qatar jobaǵa engen árbir aýylda aýyl sharýashylyǵy kooperatıvteri qurylyp, olar­ǵa jyl basynda lızıngke 200-ge jýyq tehnıka berilgen bolatyn. Endi sol qurylǵan koope­ratıvterdiń qataryna usaq sharýa qojalyqtaryn tartý máselesi búginde kún tártibinde. Sondaı-aq bir ǵana shaǵyn oblysta 18 myńnan astam sharýa qojalyǵynyń bolýy aýyl sharýashylyǵy sýbek­tileriniń usaqtalyp ketkenin kórsetetini jáne saladaǵy jum­ystyń álsizdigin ańǵartatyny da aıtylǵan. Endi bul aıtylǵan synnan tıisti basshylar qorytyndy shyǵara alsa, onda Áýlıeata óńirinde bastaý alyp, barlyq áleý­metke kásip kózi bolatyn jobanyń artyqshylyǵy dálel­denbek.

 Sol sııaqty, memleket tarapynan kórsetilip otyrǵan taǵy bir qoldaý – «Aýyl – el besigi» baǵdarlamasy. Atalǵan baǵdarlama aıasynda ótken jyly úsh aýdan ortalyǵynda 3 mlrd teńgeden astam qarjyǵa 103 joba júzege asyrylǵan. Bul da tozyǵy jetip turǵan nysandardyń qaıta jandanýyna, aýyldyń sáýletin arttyrýǵa aıtarlyqtaı úles qosty. Deı turǵanmen, baǵdarlamanyń iske asyrylýy barysynda kemshilikter de bar eken. Oblystyq ekono­mıka jáne bıýdjettik jos­par­laý basqarmasynyń basshy­sy Gúldana Jaýynbekova mer­di­gerdiń kinásinen Shý aýda­nyn­daǵy Muhtar Áýezov atyn­da­ǵy mekteptiń kúrdeli jón­deý jumystary áli kúnge aıaq­talmaǵanyn aıtty. Qazirgi ýa­qytta bul boıynsha sot prosesi júrýde eken. Bir aıta keterligi, bıyl óńirde «Aýyl – el besigi» baǵdarlamasynyń sheńberinde 5,9 mlrd teńgege 92 joba iske asyrylýda. Sonymen qatar elimizdiń Ulttyq ekonomıka mınıstrligi jalpy quny 4,8 mlrd teńge bolatyn taǵy da 148 jobany maqul­daǵan.

Búginde óńir turǵyndarynyń turmystyq tabysyn jaqsartý jónindegi qanatqaqty jobanyń mańyzy artyp tur. Jalpy, memleket tarapynan kórsetilip otyrǵan kómekti kóptiń ıgiligine paıdalaný úshin kúsh salý, bardy uqsatý taǵy da aýdan ákimderi men tıisti salalyq basqarma basshylaryna mindet artatyny sózsiz. Alaıda bardy uqsata almaý basshylarǵa syn ekeni taǵy da shyndyq.

 

Jambyl oblysy

 

Sońǵy jańalyqtar

Portret (Úshtaǵan)

Ádebıet • Búgin, 08:51

Ár adam – jerdiń tutynýshysy

Ekologııa • Búgin, 08:48

Osyndaı elim bar!

Pikir • Búgin, 08:42

Ár eldiń óz damý joly bolady

Saıasat • Búgin, 08:40

Baılamy bekem bátýaly sóz

Saıasat • Búgin, 08:37

Keı óńirde vırýs órshı tústi

Koronavırýs • Búgin, 08:24

StopMusor ekologııalyq jobasy bastalady

Ekologııa • Búgin, 08:22

Toıymsyzdyq – tas joldyń sory

Qoǵam • Búgin, 08:14

«Meniń Týym» aksııasy ótti

Aımaqtar • Búgin, 08:09

Elimizdiń basty qundylyqtary

Saıasat • Búgin, 08:06

Sharalar qatań saqtalýy tıis

Tennıs • Búgin, 08:04

«Barys» – úzdikter qatarynda

Hokkeı • Búgin, 08:03

Ushty, ushty, shatyr ushty!..

Qoǵam • Búgin, 07:56

Yntymaqtastyq yrysymyzdy eseleıdi

Pikir • Búgin, 07:45

Almatyda aqyn kóp...

Ádebıet • Búgin, 07:44

«Aqbilek». Jan jarasy...

Ádebıet • Búgin, 07:42

Shuǵyla-nurdy betke alyp...

Rýhanııat • Búgin, 07:38

Abaıǵa arnalǵan músháıra

Abaı • Búgin, 07:36

Jalǵyz kompanııa Alataýdy ıgere ala ma?

Ekonomıka • Búgin, 07:28

Tarıh tarazysyndaǵy tórt jaıt

Tarıh • Búgin, 07:15

Salǵyrttyq san soqtyrmasyn

Qoǵam • Búgin, 07:10

Kósh basynda – Meıvezer

Kásipqoı boks • Búgin, 07:10

Eldik nyshandar tarıhy

Qazaqstan • Keshe

Uqsas jańalyqtar