Aımaqtar • 07 Mamyr, 2020

Kókshetaýda ádebı-mýzykalyq jýrnal jaryq kóredi

12 retkórsetildi

Oblys ortalyǵynda balalarǵa arnalǵan «Zerek-Botaqan» ádebı-mýzykalyq jýrnal shyǵarylady. Respýblıkaǵa taraıtyn qundy basylymnyń quryltaıshysy Birjan sal atyndaǵy mýzykalyq mekteptiń muǵalimi Aıgúl Dosmaǵambetova. Bas redaktory Vıacheslav Frank. Jýrnal balabaqshalar men mekteptegi mýzyka muǵalimderi men úıirme jetekshilerine ádistemelik qural retinde usynylady. Qosymsha retinde aýdıo taspaǵa jazylǵan ánder toptamasy da bar.

Aıgúl Dosmaǵambetova Qurmanǵazy atyndaǵy qazaq ulttyq konservatorııasynyń túlegi. О́ner ıesiniń aıtýynsha, balalar ániniń óz deńgeıinde nasıhattalmaı kele jatqany balabaqshalar men bastaýysh synyp oqýshylaryna arnalǵan ádebı-mýzykalyq jýrnal shyǵarýǵa túrtki boldy. Jýrnaldyń alǵashqy shyǵarylymy 2012 jyly jaryqqa shyqty. Basylymnyń negizin qalaýshylarynyń maqsaty – zamanaýı balalar mýzykasy men án mátinderin qalyptastyrý, osy taqyrypta eńbek etip júrgen aqyn-kompozıtorlarǵa rýhanı qoldaý kórsetý, óskeleń urpaqtyń mýzykalyq tanym-túsinigin keńeıtý.

 –Jýrnal shyǵarý qıyn bolsa da, biz úshin óte qyzyqty. Talmaı eńbektenýdiń nátıjesinde,  merzimdik almanahtyń búginde 100 shyǵarylymy jaryqqa shyqty. Onyń árqaısysynda balalarǵa arnalǵan daıyn ánder men mýzykalyq súıemeldeýler jazylǵan, sonymen qatar óleńder men ulttyq salt-dástúrge qurylǵan daıyn ssenarııler men jumbaqtar da bar. Osy jýrnaldy jaryqqa shyǵarýdyń arqasynda men kóptegen talantty aqyn, sazgerlermen, sýretshilermen tanystym,–deıdi Aıgúl Dosmaǵambetova.

Jýrnaldyń oqyrmandary kóbeıip keledi. Negizinde jýrnal respýblıka boıynsha taraıdy. Osy ýaqytqa deıin jýrnal arqyly balalarǵa arnalǵan 300-ge tarta áni notasymen, mátinimen, aýdıo nusqasy jáne áýenimen jaryqqa shyǵaryldy.

–Jýrnal 3 aıda bir ret shyǵady. Búginde 500-deı oqyrmany bar. Olar negizinen balabaqsha tárbıeshileri men mýzyka muǵalimderi jáne balalarynyń shyǵarmashylyq qabiletterin damytýǵa den qoıǵan ata-analar. Jýrnaldyń birden-bir ereksheligi onyń qazaq jáne orys tilinde bolýy,–deıdi jýrnaldyń bas redaktory Vıacheslav Frank.

«Zerek-Botaqan» ádebı-mýzykalyq jýrnaly oblystyq «Altyn qalam» baıqaýynda «Úzdik baspa» dep tanylǵan. Bir jaqsysy, Aıgúl Dosmaǵambetovanyń 100-ge tarta avtorlyq áni de bar.

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar