Oblystyń basqa óńirlerimen salystyrǵanda, Jarqaıyń aýdanynyń egistik alqaby eń kóp aımaqtardyń birinen sanalady. 642 myńnan astam gektar alqapqa dán sińirilmek. Qalǵan bóligine arpa, suly, qaraqumyq, jasymyq sebiledi. Sonymen qatar, kókónis ósirý de josparlanǵan. Astyq alqaptarynda zamanaýı tehnologııalar qoldanylady. Bir apta ishinde josparlanǵan aýmaqtyń basym bóligine ylǵal jabyldy. Egis keshenderin tıimdi paıdalaný tanap basyna shyǵýǵa tıisti tehnıkanyń sanyn meılinshe qysqartýǵa múmkindik beredi.
–580,3 myń gektar jerge ylǵal jabyldy. Bul jumysqa 200-den astam tehnıka jumyldyryldy. Sondaı-aq, 55 myń gektar aýmaqqa egistik aldyndaǵy óńdeý júrgizilmek. Dala jumystaryna 84 egistik kesheni, 160 tuqym sebetin keshenderi 338 K-700 traktory jumyldyrylady,–deıdi aýdandyq aýyl sharýashylyǵy bóliminiń jetekshisi Baǵdat Shonov.
Ázirge 54 myń tonnadan astam tuqymdyq materıal zertteýden ótken. Taǵy 8 myń tonna tuqym muqııat tekseriledi dep kútilýde. Búgingi tańda aýdan sharýashylyqtaryna úsh jarym myń tonnaǵa jýyq jeńildetilgen dızel otyny jetkizildi. О́tken jyly tehnıkalyq park birshama jańartylǵan. Kombaındar, traktorlar, egistik keshenderi, tuqym sepkishter men basqa da tehnıka satyp alynǵan. Bir áttegen-aıy, mehanızatorlar jetispeıdi. Aýyl sharýashylyǵy taýaryn óndirýshilerge aýdan tarapynan jan-jaqty qoldaý kórsetilýde. «Agrarlyq nesıelik korporasııasy» arqyly respýblıkalyq bıýdjetten qarjy bólinedi.Osylaısha nesıe alýǵa 120 ótinim kelip túsken. Onyń 74-i maquldanǵan.
