Elorda • 07 Mamyr, 2020

Nur-Sultanda áskerge shaqyrylǵandarǵa áskerı ataqtar berildi

101 ret kórsetildi

Nur-Sultanda koronavırýs indetimen kúresip jatqan áskerge shaqyrylǵan  áskerı mindetti eriktilerge áskerı ataqtar, gramotalar men arnaıy belgiler berildi. Bul týraly Nur-Sultan qalasy ákimdiginiń baspasóz qyzmeti habarlady.


«Búgin biz Otan qorǵaýshylar kúnin atap ótip jatyrmyz. 28 jyl buryn elimizdiń Tuńǵysh Prezıdenti Nursultan Ábishuly Nazarbaev Qarýly Kúshterin qurý týraly Jarlyqqa qol qoıdy. Qarýly Kúshterdiń basty mindeti —  memleketti syrtqy qaýip-qaterden qorǵaý. Buryn ata-babalarymyz ashyq maıdanda qan keship elimizdi qorǵasa, búginde kózge kórinbeıtin jaýmen kúres júrip jatyr. Qasym-Jomart Kemeluly Toqaev  azamattardy arnaıy áskerı jıynǵa shaqyrǵan kezde áskerı mindetti eriktiler yqylas tanytyp, qatysýǵa nıet bildirdi. Nur-Sultanda jumysqa 150 áskerı mindetti eriktiler qatysty. Kún saıyn mańyzdy mindetterdi atqaryp kelesiz: karantındik sharalardyń saqtalýyn baqylap,  ótkizý-baqylaý beketterinde jumys atqarýdasyzdar. Osy ýaqyt ishinde ótkizý-baqylaý beketterinen 7 myńnan astam júk mashınasy ótse, jedel shtab arqyly 180 myńnan astam ótinim óńdeldi. Siz 6 mln sharshy metrden astam dezınfeksııa jumystaryn júrgizdińiz, basqa da jaýapty jumystar atqardyńyz. Osynyń barlyǵy vırýstyń taralýyn boldyrmaýǵa, qala turǵyndaryn qaýipti aýrýdan qorǵaýǵa múmkindik beredi. Sizderdi Otan qorǵaýshylar kúnimen quttyqtaımyn», - dedi qala ákimi Altaı Kólginov.

Qorǵanys mınıstri Nurlan Ermekbaev áskerge shaqyrylǵandardyń atqaryp jatqan jumysy olardyń kásipqoılyǵynyń kórsetkishi ekenin aıtty.

«Kún saıyn qalany kúzetip,  tártiptiń qatań saqtalýyn qadaǵalap júrsizder. Atqaryp jatqan jumysyńyz úshin alǵysymdy bildiremin. Sizderdi maqtan tutamyz», - dep atap ótti.

1

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar