Aımaqtar • 07 Mamyr, 2020

Almatyǵa Ońtústik Koreıadan kezekti gýmanıtarlyq kómek keldi

39 retkórsetildi

Almaty ákimdigine gýmanıtarlyq kómek aıasynda ońtústik koreıalyq kompanııalar tarapynan jeke qorǵanys quraldary jetkizildi.

Ońtústik Koreıa izgilikti kómek kórsetý sheńberinde koronavırýstyq ınfeksııamen kúres maqsatynda Almaty qalasynyń Qoǵamdyq damý basqarmasyna jáne Taýarlar men qyzmetterdiń sapasy men qaýipsizdigin baqylaý departamentine 1125 birlik jeke qorǵanys quraldaryn tapsyrdy. Gýmanıtarlyq kómektiń jalpy quny 45 myń AQSh dollaryn quraıdy.

Is-sharaǵa Almaty qalasy ákiminiń orynbasary Erjan Babaqumarov, qalalyq Qoǵamdyq densaýlyq basqarmasynyń basshysy Tileýhan Ábildaev, qalanyń Memlekettik bas sanıtarlyq dárigeri Jandarbek Bekshın, Syrtqy ister mınıstrliginiń Almatydaǵy ókildiginiń basshysy Erlan Ysqaqov, sondaı-aq koreı kompanııasynyń ókilderi – «MPK Clinic» kompanııasynyń bas dırektory Kım Hıon Djın, «Shinhan Bank Kazakhstan» basqarma tóraǵasy Kım Heng Van, «Rahat» AQ basqarama tóraǵasynyń orynbasary Pak Gın En, «SK E&C» kompanııasy jobasynyń jetekshisi Djýn Hýn Kım qatysty.

1

Sonymen, «MPK Clinic» koreı kompanııasynyń qoldaýymen 1125 dáriger men medısına qyzmetkerlerine jeke qorǵaný quraldary usynyldy. «Shinhan Bank» – quny 20 myń AQSh dollary bolatyn 500 birlik jeke qorǵanys quraldaryn, «Lotte Rakhat» – quny 20 myń AQSh dollaryn quraıtyn 500 birlik jeke qorǵanys quraldaryn usynsa, «SK E&C» kompanııasy quny 5 myń AQSh dollary bolatyn 125 birlik jeke qorǵanys quraldaryn tabystady.

5

Bul jeke qorǵaný quraldary ınfeksııalyq gospıtaldardyń medısına qyzmetkerlerine bólinip beriletin bolady.

Almaty qalasy Qoǵamdyq densaýlyq basqarmasynyń basshysy Tileýhan Ábildaev koronavırýs pandemııasy kezinde kórsetken qoldaýy úshin ońtústikkoreıalyq kompanııalardyń ókilderine alǵysyn bildirdi.

1

«Qazirgi tańda búkil álem jahandyq pandemııamen betpe-bet kelip otyrǵan osynaý syn shaqta bárimizge de árbir qoldaý mańyzdy. Osylaı bas biriktirip, nıet toǵystyryp eńbek etkende ǵana qaýipti indettiń betin qaıtaramyz», – dedi T.Ábildaev. – Búginde Almaty qalasynda koronavırýs boıynsha jaǵdaıdy turaqtandyrý maqsatynda epıdemııaǵa qarsy jáne emdeý-aldyn alatyn keshendi sharalar qabyldanýda. Qalanyń Jedel shtabynyń basshylyǵymen atqarylyp jatqan aldaǵy is-áreketter ahýaldyń birtindep turaqtanýyna, ınfeksııa juqtyrǵandar kórsetkishiniń tómendeýine ákeletinine senemiz».

Gýmanıtarlyq kómek kórsetýge Syrtqy ister mınıstrliginiń Almatydaǵy ókildigi qoldaý kórsetti.

– Syrtqy ister mınıstrligi Koreıadaǵy bizdiń elshiligimiz arqyly Qazaqstandaǵy koreı kompanııalary konsorsıýmyna gýmanıtarlyq kómek kórsetti. Konsorsıým úsh kompanııadan turady. Gýmanıtarlyq kómek jeke qorǵanys quraldary túrinde 40 qorappen keldi. Bul birinshi partııa emes. Buǵan deıin «MPK Clinic» koreı kompanııasynan Almatynyń medısınalyq mekemelerine PSR- testter jetkizilgen edi,  – dedi SIM Almaty qalasyndaǵy ókildiginiń basshysy Erlan Ysqaqov.

4

О́z kezeginde koreı kompanııalarynyń ókilderi epıdemıologııalyq jaǵdaıdyń tez arada turaqtanýyna tilek bildirdi.

– Koronavırýspen kúresý úshin Almaty qalasy men Qazaqstannyń barlyq dárigeri birigip, kúsh-jigerlerin birge jumsaýy tıis. Qazir búkil álemdegi jáne Qazaqstandaǵy jaǵdaı qıyn, sondyqtan biz osy máseleni birge eńsere alatynymyzǵa sengim keledi. Koronavırýspen kúreske bólingen bul quraldar aıtarlyq kómegin beredi dep úmittenemin, – dedi «Shinhan Bank Kazakhstan» Basqarma tóraǵasy Kım Heng Van.

«Bizdiń kompanııa basqa áriptestermen birlesip medısına qyzmetkerlerine qorǵanys kıimderin berýdi sheshti. Qaladaǵy jaǵdaıdyń turaqtalýyn tileımiz», – dedi «Rahat» AQ Basqarma tóraǵasynyń orynbasary Pak Gın En.

«Qazaqstan koronavırýspen betpe-bet kelgende biz de shet qalmaı, óz tarapymyzdan kómek kórsetkimiz keldi. Atalǵan indetti jeńip, qala men almatylyqtardyń burynǵy qalypty ómirine oralýyn tileımin. Men Qazaqstan men Koreıa arasyndaǵy qarym-qatynas jalǵasyn taýyp, Qazaqstanǵa ınvestısııa quıatyn koreı kompanııalarynyń da kóp bolǵanyn qalaımyn», – dep atap ótti «SK E&C» ókili Djýn Hýn Kım.

4

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar