Aımaqtar • 08 Mamyr, 2020

Atyraý: Bıýdjet qarjysy nege ıgerilmeıdi?

94 retkórsetildi

Atyraý oblysynyń birneshe salasynda bıýdjettiń 3 mıllıardtan astam teńgesi ıgerilmeı otyr. Munyń sebebi nede? 

О́ńirlik kommýnıkasııalar qyzmetiniń habarlaýynsha, bul oblys ákimi Mahambet Dosmuhambetov ótkizgen selektorlyq májiliste belgili boldy.

​– Bıýdjettik baǵdarlama ákimshileri qarjylandyrý josparlaryn naqty josparlamaıdy. Aldyn ala taldaý jasalmaıdy. Sondaı-aq, merdigerler de jumys kestesin saqtamaıdy. Atap aıtqanda, qarjyny ıgermeý qurylys, aýyl sharýashylyǵy, veterınarııa, densaýlyq saqtaý, bilim berý, kásipkerlik, jumyldyrý daıyndyǵy salalarynda tirkelip otyr, – dedi  oblystyq  qarjy basqarmasy basshysynyń mindetin atqarýshy Serik Demegenov.

Onyń aıtýynsha, Almaly aýylynyń jańa shaǵyn aýdandaryna elektr jelilerin tartýǵa 305 mln teńge, Atyraý qalasynyń sol jaǵalaýyndaǵy kanalısazııalyq tazartý qondyrǵysynyń qurylysyna bólingen 1​ 293,3 mln teńge, ​ aýyl sharýashylyǵy basqarmasynda sýbsıdııalaýǵa baılanysty 7,4 mln teńge ıgerilmeı qalǵan.

Osyǵan oraı oblys ákimi Mahambet Dosmuhambetov qarjyny ıgere almaǵan sala basshylaryn  suraqtyń  astyna aldy. Atyraý qalasy men  aýdandar ákimderine, tıisti basqarmalarǵa naqty tapsyrmalar júktedi.​

– Bıýdjet qarjysy sizderdiń bergen usynystaryńyz ben suranymdaryńyzdyń negizinde bólinip otyr. Sondyqtan, qarjyny ýaqytynda ári tıimdi paıdalanyp, ıgerýdi tapsyramyn. Bıýdjetti josparlaǵan kezde halyqtyń barlyq qajettiligin  meıilinshe eskerý kerek, -dedi Mahambet Dosmuhambetov.​

Jyl basynan beri oblystyq bıýdjettiń  kiris kólemi 167​ mlrd 617,4 mln teńgeni qurap otyr. Onyń ishinde ​ respýblıkalyq bıýdjet transfertteri 25 mlrd 262,7 mln teńge bolsa, kredıtter ​ 4 mlrd 597,6 mln teńgege jetti.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar