Qoǵam • 08 Mamyr, 2020

Almatyda Jeńis kúnine oraı mádenı-kópshilik sharalar ótpeıdi

8 retkórsetildi

Uly Otan soǵysyndaǵy Jeńistiń 75 jyldyǵyna arnalǵan is-sharalar Almaty qalasynda engizilgen Tótenshe jaǵdaı men karantın rejimine baılanysty toqtatylady.

Jeńis Kúni qarsańynda, 9 mamyr kúni koronavırýstyq ınfeksııanyń taralýynyń aldyn alý maqsatynda Almaty ákimdigi janyndaǵy Tótenshe jaǵdaı rejimin qamtamasyz etý jónindegi Jedel shtab turǵyndarǵa adamdar kóp jınalatyn jerlerge, memorıaldar men zırattarǵa barýdan bas tartýdy usynady. Iаǵnı bul usynys 28 gvardııashy-panfılovshylar atyndaǵy saıabaqtaǵy Máńgilik alaýǵa gúl shoqtaryn qoıý rásimine de qatysty aıtylǵan.

«Bizdiń ákelerimiz ben atalarymyzdyń erligi máńgilik. Bizdiń soǵys ardagerleri men tyl eńbekkerlerin osy aıtýly kún – Uly Jeńis Kúnimen quttyqtaǵym keledi jáne olarǵa myqty densaýlyq, ashyq aspan tileımin. Osy jyl – mereıtoı jyly, ıaǵnı fashızmdi jeńgen Uly Jeńiske 75 jyl, árıne, biz ony laıyqty qarsy alýǵa daıyndalǵanbyz. Biraq ókinishke qaraı, ol álemdegi osyndaı qorqynyshty Tótenshe jaǵdaıǵa sáıkes keldi. Osyǵan baılanysty, barlyq qalalyqtardan, birinshi kezekte aǵa býyn ókilderinen saıabaqtar men skverlerge barýdan bas tartýlaryńyzdy suraımyn. О́ıtkeni, dál qazirgi jaǵdaıda olar qaýiptiń aldynda tur, sondyqtan da qalalyqtardan ardagerlermen kezdespeýin suraımyz», – dep atap ótti Almaty qalasynyń Tótenshe jaǵdaıdy qamtamasyz etý jónindegi Jedel shtab tóraǵasynyń orynbasary Erlan Qojaǵapanov.

Sondaı-aq, ol azamattar kóp jınalatyn jerlerde Polısııa departamenti tarapynan jaıaý jáne avtomobıldi patrýldeý kúsheıtiletinin jetkizdi.

Osyǵan baılanysty, kezekti ret azamattarǵa karantın men sanıtarlyq-epıdemıologııalyq normalardy múltiksiz saqtaý týraly eske salamyz. Bul talaptardy elemeý zańnamaǵa sáıkes jaýapkershilikke tartatynyn umytpaǵan jón.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar