Qasıetti de qasyretti, kózge jas keltirip, kóńilge muń uıalatatyn aıryqsha ataýly dataly kúnge Aqtóbe oblysy boıynsha 29 maıdanger aman esen jetedi dep kútilgen-di. Áıtse de merekege sanaýly kúnder qalǵanda olardyń biri ómirden ozdy. Bıylǵy Jeńistiń 75 jyldyq merekesiniń taǵy bir ereksheligi maıdangerlerge beriletin syıaqy bir izge túsirilip olardyń ár qaısysyna memleket tarapynan bir mıllıon teńge berý jóninde sheshim qabyldanǵany málim. Aıta keterlik jáı bul qomaqty syıaqy budan bir eki kún buryn ómirden ozǵan maıdengerdiń otbasyna da berildi.
Qalǵan 28 soǵys múgedegi men soǵysqa qatysýshylardyń bárine de jergilikti atqarýshy organdar tarapynan laıyqty syı-syıapat pen qurmet kórsetildi. Sonyń ishinde óńirde turatyn 6795 soǵys pen tyl ardagerlerine oblystyq bıýdjetten jalpy somasy 341 mıllıon teńge kóleminde materıaldyq kómek berildi. Munyń syrtynda «Nur Otan» partııasy Aqtóbe oblystyq fılıaly jeńistiń 75 jyldyq merekesi sheńberinde ekinshi dúnıejúzilik soǵystyń qaharmandary men qatysýshylaryn máńgi este qaldyrý úshin áleýmettik jelilerde #qaharman chelendjin júzege asyrdy.
- Aqtóbe óńiriniń barsha halqymyz tórt jyl kútken jeńisti jaqyndatýǵa qosqan úlesi qomaqty. Maıdanda jaýǵa qarsy atylǵan on oqtyń toǵyzy Qazaqstanda jasaldy degen qalyptasqan tujyrym bar. Aqıqaty da osy ekeni anyq. Bul iste 1941-1945 jyldary Aqtóbedegi qorǵanys kásiporynda shyǵarylǵan qarý-jaraq túrleri de eleýli ról atqardy dep bilemiz. Ekinshiden soǵys kezinde Aqtóbede jasaqtalǵan qos birdeı atqyshlar dıvızııasy soǵys qımyldarynyń oń jaqqa bet burýyna yqpal jasaǵanyn umytpaýǵa tıispiz. Ras, adam shyǵyndary da az bolǵan joq. Bul jeńistiń ońaılyqpen kelmegenin kórsetedi. Jeńistiń tálimi men taǵylymy óte mol. Onyń rýhy búgingi urpaqty óz elin qoǵaı bilý men otanshyldyq sezimdi tereńdete túsýge qyzmet jasaı bermek. Jeńis merekesi qutty bolsyn dedi gazet tilshisine Aqtóbe oblysynyń ákimi Ońdasyn Orazalın.
AQTО́BE
