Qoǵam • 08 Mamyr, 2020

Ushaq baǵasy qoljetimdi

32 retkórsetildi

«Aqtóbe» halyqaralyq áýejaıy ótken jyly kommýnaldyq menshikke kóshirilip, jergilikti atqarýshy organnyń quzyryna engizildi. Búgingi kún bıiginen qarastyrǵanda bul ońtaıly sheshim boldy deýge tolyq negiz bar. Iаǵnı sol kezden bastap munda jolýshylarǵa jaıly da yńǵaıly jaǵdaılar týǵyzý joldary belgilenip, júzege asa bastady. Sonyń eń bastysy áýejaı órisin ósirip, sapaly ári arzan qyzmet túrin usyný jónindegi bastamalar.

Aıtalyq, bıylǵy 2020 jylǵy aqpan aıynyń aıaǵynda Nur-Sultan men Aqtóbe qalalarynyń aralyǵynda usha bastaǵan áýe reısiniń baǵasy qarapaıym turǵyndar men stýdentter jáne zeınetkerler úshin qoljetimdi bolyp otyr. Iаǵnı aldyn-ala josparlaǵan jaǵdaıda Aqtóbeden Nur-Sultan qalasyna ushyp barý úshin 7999 teńge nemese Almatyǵa 11999 teńgege áýe bıletin satyp alýǵa bolady.

Áleýmettiń qarym-qatynas jasaýy úshin jasalǵan ońdy qadam «Eır Astana» áýe kompanııasynyń prezıdenti Pıter Foster men Aqtóbe oblysynyń ákimi Ońdasyn Orazalınniń ótken jyly jasaǵan ózara ýaǵdalastyǵynan keıin sheshimin tapty deýge ábden bolady. Sonyń nátıjesinde bıylǵy jyldyń basynda «FlyArystan» áýe kompanııasy Aqtóbe men Nur-Sultan qalasynyń arasynan jańa reıs ashatyndyǵy belgili boldy. Sondaı aq osy ekijaqty kezdesýde «Aqtóbe» halyqaralyq áýejaıynda kompanııanyń óńirlik bazalyq beketin qurý jóninde de iskerlik sıpattaǵy áńgimeler qozǵalǵan-dy.

Búgingi kúni onyń bári qur bos sóz kúıinde qalmaı, naqty iske aınalǵany, sóıtip atalǵan aralyqta zamanaýı Airbus A320 áýelaıneri respýblıkamyzda tótenshe jaǵdaı jarııalanǵan kezge deıin aptasyna tórt ret qatynaı bastaǵany aıqyn aıǵaq. Onyń Aqtóbe men Nur-Sultan qalalary arasyna ushý uzaqtyǵy 1 saǵat 50 mınýtty quraıdy. Áýe tasymaldaýshylardyń aıtýynsha aldaǵy maýsym jáne shilde aıynan bastap 180 orynǵa arnalǵan komfortabeldi  ushaqtar Aqtóbeden Almatyǵa usha bastamaq.

- Aldaǵy ýaqytta kompanııanyń jańa beketi Qaraǵandy qalasynda da ashylady. Sol ýaqytta jolaýshylar Aqtóbe men Qaraǵandynyń arasyna ushaqpen tikeleı qatynaı alady. Biz búgingi kúni jergilikti atqarýshy organdar  ókilderimen tek ishki reıster ǵana emes, sonymen birge shet elderge de baǵyttar ashý jóninde kelisimge kelýdi oılastyryp otyrmyz. Bul istiń birinshi leginde «Aqtóbe» halyqaralyq áýejaıy tur dedi gazet tilshisine.  «FlyArystan»  áýekompanııasy jer ústi qyzmetiniń dırektory Danııar О́skenbaev.

Aıta keterlik jaıt, elimizde Sovid-19 indeti bastalǵan ýaqytqa deıin joǵaryda atalǵan baǵyttarǵa usha bastaǵan reıs salondarynda jolaýshylar tolyq jáne tolyqqa taıaý bolǵandyǵy. Bul kórinis jańa baǵyttar qaı turǵydan da tıimdi bola alatynyn tanytsa kerek. Memleket basshysy Qasym-Jomart Toqaev ótken jyly áýe bıletiniń baǵasy negizsiz óspeýi, ári qymbattamaýy, bul baǵytta oryn alǵan ústirttikter retke keltirilýi kerektigin atap ótkeni málim. Búgingi materıalymyzǵa arqaý bolǵan derekter Prezıdent tapsyrmasyna oraı tyndyrylǵan oń qadamnyń biri bola alady demekpiz.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar