Ekonomıka • 08 Mamyr, 2020

Daǵdarysqa qarsy sharalar belgilendi

24 retkórsetildi

Elimizde úsh aıǵa deıin sozylǵan pandemııa indeti respýblıkalyq jáne oblystyq bıýdjetterdiń kiris bóliginiń ájeptáýir kemýine ákelip soqtyrǵany eshkimge de qupııa emes. Atap aıtqanda Aqtóbe oblysynda bıýdjettiń jetispestigi men oryndalmaý deńgeıi 15 paıyzdyń kóleminde bolyp otyr. Árıne munyń birneshe sebepteri bar.

Tutastaı alǵanda óńirdegi iri ónerkásiptik kásiporyndar qyzmetinde aıta qalarlyqtaı kidiris bolmaǵanymen osy aralyqta shaǵyn jáne ortasha bıznestiń órisi múldem tarylyp ketkeni málim. Bıýdjet tapshylyǵynyń basty bir sebebin osy aradan izdegenimiz oryndy sekildi.

- Árıne bul jaǵdaı jaqsy qubylys emes. áıtse de mundaı kórinis buǵan deıin alynǵan bıýdjettik mindettemege kóleńkesin túsire almaıdy. Qazirgi kúni qolǵa alynǵan daǵdarysqa qarsy sharalar shoǵyry ýaqytsha qalyptasqan jaǵdaıdy oń jaqqaqaraı burýǵa septigin tıgizýge tıis dep sanaımyn dedi bul jóninde gazet tilshisine Aqtóbe oblysy ákiminiń ekonomıka jáne qarjy máseleleri jóninde orynbasary Rýslan Qambarov.

Búgingi kúni oblysta pandemııa saldarynan óńirdegi bıznes sýbektilerin kezeń-kezeńmen qyzmetterine qaıta kiristirý jónindegi jumystar márege taıap keledi. Aıtalyq aımaqta karantın rejımin jeńildetý týraly Prezıdent tapsyrmasyna sáıkes onyń birinshi jáne ekinshi kezeńderinde 10 myńǵa jýyq kásiporyn óz jumysyn bastap, jalpy sany otyz myńnan astam adam jumysqa qosyldy. Buǵan qosa tizimge engizilgen sýbektilerden bólek jobalaý kompanııalary, sondaı-aq jyljymaıtyn múlik operasııalarymen aınalystayn mekemeler de óz qyzmetterine kiristi. Al qazirgi kúni bastalyp otyrǵan úshinshi kezeńde shaǵyn jáne ortasha bıznes sýbektileri qyzmetke tolyqtaı kiriside degen jospar bar.

Bul rette joǵaryda kórsetilgen sanattardaǵy qyzmet túrlerine degen suranystyń joǵary ekendigi eskerildi. О́ńirde qurylys jumystarynyń kidirissiz júrgizilýi, memlekettik baǵdarlama boıynsha jyljymaıtyn múlikke qatysty qarastyrylǵan qarajatty nesıeleý isi osyndaı ońtaıly sheshim qabyldaýǵa negiz qalady deıdi Aqtóbe oblystyq kásipkerler palatasynyń dırektory Anar Darjanova.

Osy oraıda óńirde daǵdarysqa qarsy is-qımyl baǵdarlamasynyń basty qazyǵy – jańa jumys oryndaryn ashýǵa arqa súıeıtinin aıtqanymyz jón. Bul rette oblystyq bıýdjetten 46 mıllıard teńge bólingen. Atalǵan qomaqty qarajat jyl aıaǵyna deıin 12 myń jańa jumys oryndaryn qurýǵa múmkindik beredi dep kútilýde.

 

Aqtóbe oblysy

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar