Aımaqtar • 09 Mamyr, 2020

Elordada Uly Otan soǵysynyń batyrlaryna arnalǵan 8 eskertkish bar

32 retkórsetildi

Qaladaǵy Uly Otan soǵysy men onyń batyrlaryna arnalǵan eskertkishter – búgingi urpaqtyń batyrlarǵa qurmetiniń belgisi. Bul óner týyndylary jas urpaqty erlikke baýlıtyn qural. Jeńistiń 75 jyldyǵy merekesi qarsańynda sol eskertkishter týraly qysqasha málimet usynbaqpyz. Bul týraly qala ákimdiginiń baspasóz qyzmeti habarlady.

Jalpy, elordada 46 eskertkish jáne 50-den astam tarıhı-mádenı mura nysandary bar. Nur-Sultan qalasynyń eskertkishteri men tarıhy jáne mádenıetin saqtaý dıreksııasynyń dırektory Narıma Abylqyzynyń aıtýynsha, olardyń barlyǵy zańmen qorǵalǵan jáne talapqa saı kútim jasalady. Jeńis kúni qarsańynda áskerı taqyryptaǵy birqatar eskertkishter jóndeýden ótken.

«Dıreksııa Nur-Sultan qalasynyń eskertkishterin esepke alý, saqtaý jáne tanymal etý máselelerimen aınalysady. Qazir qalpyna keltirilgen áskerı taqyryptaǵy eskertkishterdiń ishinde B.Momyshuly, I.Panfılovtyń eskertkishteri, 1941-1945 jj. Aqmola qalasyndaǵy aýrýhanalarda jaraqattan qaıtys bolǵan soǵys ardagerlerine arnalǵan eskertkish, Uly Otan soǵysynyń jaýyngerlerine arnalǵan monýmentaldy keshen bar», – deıdi N.Abylqyzy.

Sondaı-aq, ol bıyl Almaty aýdanymen «Otan qorǵaýshylar» monýmentaldy keshenin jóndeý josparlanyp, dıreksııa Alııa Moldaǵulova eskertkishin jóndeýdi aıaqtaıtynyn atap ótti. «Bolashaq urpaq úshin ótken tarıhty saqtaý barshaǵa mindet», – deıdi N.Abylqyzy.

Elordada Uly Otan soǵysynyń batyrlaryna arnalǵan 8 eskertkish bar:

  1. Uly Otan soǵysy jaýyngerlerine arnalǵan monýmentaldy keshen. 1995 jyly Uly Jeńistiń 50 jyldyǵyna oraı Jeńis dańǵylynda Uly Otan soǵysy jyldaryndaǵy shaıqastarda qaza bolǵan otandastarǵa arnalǵan keshen boı kóterdi. Aqmolalyq jaýyngerlerdiń beınesin somdaıtyn músindik kompozısııa avtorlary - músinshi Valerıı Pırojkov, sáýletshi Vasılıı Toskın.
  2. Álııa Moldaǵulova memorıaldyq kesheni. 2008 jyly Jeńis dańǵyly men Á.Moldaǵulova kóshesiniń qıylysynda ashyldy. Memorıaldyq kesheniniń avtorlary – músinshiler B.Ábishev, E.Sergebaev, sáýletshiler V.Kasev, J.Aınabekov. Keńes Odaǵynyń Batyry, mergen Á.Moldaǵulovanyń qola músini tuǵyrda qyzǵylt granıtpen ornatylǵan.
  3. Mánshúk Mámetova eskertkishi. 2018 jyly Batys Qazaqstan oblysy «О́ńirler Astanaǵa syılyq» jobasynyń aıasynda elordanyń 20 jyldyǵyna oraı M.Mámetovanyń eskertkishi men «Aqjaıyq» alańyn tartý etti. Avtory – músinshi Murat Mansurov.
  4. Raqymjan Qoshqarbaev eskertkishi. 2016 jyly B.Momyshuly men R.Qoshqarbaev dańǵyldarynyń qıylysynda ashyldy. Qoladan quıylǵan týyndynyń avtory – músinshi Asqar Nartov.
  5. Baýyrjan Momyshuly eskertkishi. 2008 jyly aty ańyzǵa aınalǵan batyrdyń eskertkishi Astananyń 10 jyldyǵyna arnaıy syıǵa jasalyp, B.Momyshulynyń týǵan jeri Jambyl oblysynan tartý etildi. Avtorlary – músinshi Temirhan Qoljigit, sáýletshi Baqytjan Syzdyqov.
  6. I.V.Panfılov eskertkishi. 2015 jyly Keńes áskerı qolbasshysy, general-maıor I.V. Panfılovqa arnalǵan eskertkish B.Momyshuly dańǵyly men Jumabaev kóshesiniń qıylysyndaǵy Jeruıyq saıabaǵynda ornatyldy. Avtory – músinshi Renat Ábenov.
  7. «Otan qorǵaýshylar» memorıaldyq kesheni 2001 jyldyń 9 mamyrynda Táýelsizdik dańǵyly men Q.Muńaı̆tpasov kóshesiniń qıylysynda ashyldy. Memorıaldyq keshenniń monýmentaldy kompozısııasy Qazaqstanda turatyn barlyq ulttardyń birligin bildiretin masaq baý túrindegi qola stela men birlikke, kelisimge shaqyratyn Otan-Ana beı̆nesinen turady.
  8. 1941-1946 jj. Aqmola gospıtaldaryndaǵy jaraqattan qaıtys bolǵan soǵys ardagerlerine eskertkish. Qalalyq zıratta ornalasqan nysan elorda tarıhymen birge jasasyp kele jatqan alǵashqy eskertkishterdiń biri.
Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Sýret. О́zgeris. Qubylys

Rýhanııat • Búgin, 07:17

Baqyttyń berik bosaǵasy

Rýhanııat • Búgin, 07:13

Jańatastyq jas sheberler

Aımaqtar • Búgin, 07:09

Júıeli jumys jeńiske jetkizedi

Aımaqtar • Búgin, 07:08

Uqsas jańalyqtar