Orden týraly jańa tabylǵan qujatta: «1945 jyldyń 15 qańtarynda joldas Esenjolov jaý qorǵanysyn buzyp ótip, kózsiz ójettigimen kózge tústi. О́mirine tóngen qaýipke qaramastan, jaýyp turǵan oqtyń arasymen asa sheberlikpen ótip baryp, bizdiń jaıaý áskerdi ilgeri bastyrmaı turǵan jaý mınometiniń aldyn mashınasymen qalqalap aldy. Joldas Esenjolovtyń erligi búkil jaıaý áskerdiń rýhyn oıatyp, nátıjesinde qarsy jaqtyń mınomet batareıasynyń úni óshirilip, 15 nemis soldaty joıyldy» dep jazylǵan.
Temirbek Esenjolov 1940 jyly jıyrma jasynda Qostanaı oblysynyń Meńdiqara aýdanyna qarasty Jarqaıyń aýylynan qyzyl ásker qataryna alynady. Bir jyldan soń soǵys bastalyp, maıdanǵa attanady. 1945 jyly Jeńisti Berlınde qarsy alyp, aman-esen elge oralady. Qarý ornyna kúrek ustap beıbit eńbek maıdanyna kirisedi. 1974 jyly dúnıeden ótken batyrdyń ózi de omyraýyna taǵylmaǵan ordeni bar ekenin bilmeı ótipti.
- Atamyz soǵysta ZIS-5 avtokóligin júrgizip, maıdannyń aldyńǵy shebine oq-dári, qarý-jaraq jetkizip turypty. Birneshe orden-medali bar bolatyn. Mysaly, «Erligi úshin» medaliniń marapat qujatynda: «Tamyz aıynyń ózinde ǵana joldas Esenjolov 2146 shaqyrym jol júrip, 56 tonna júk tasydy. Borap turǵan oq pen jarylǵan bomba, mınalardyń arasynan jolsyz jerde kez kelgen kedergiden óte biletin qyzyl jaýynger qashanda buıryqty buljytpaı oryndaıdy. Oq-dári, qarý-jaraqty maıdannyń aldyńǵy shebine der kezinde jetkize bildi. Onyń mashınasy syný, toqtaý degendi bilmeıdi. Qashanda jolǵa daıyn. 1942 jyldyń 8 jáne 9 tamyzynda maıdannyń aldyńǵy shebine oq-dári ákele jatqan Esenjolov nemis ushaqtarynyń bombalaýyna ushyraıdy. Biraq kólikti sheber basqara biletin kánigi shopyr nemis ushaqtarynan sytylyp shyǵyp, aldyńǵy shepte urys júrgizip jatqan jaýyngerlerdi oq-dárimen qamtamasyz ete bildi» - dep jazylypty. Endi mine, 75 jyl ótken soń, atamyzdyń «Qyzyl juldyz» ordeni tabylyp otyr, - deıdi batyrdyń urpaqtary.
Qostanaı oblysy
