Ekonomıka • 09 Mamyr, 2020

Sándik taýarlardyń álemdik satylymy 50-60% tómendeýi múmkin

28 retkórsetildi

Sarapshylar pandemııanyń qarmaǵyna alǵashqy bolyp ilingen sala  «sán-saltanat» naryǵy ekenin aıtyp jatyr. Osyǵan deıin Fransııadaǵy ıis sý-parfıýmerııa naryǵy dezınfeksııa – spreı shyǵarýǵa baǵyttalyp, jan saqtap qalǵanyn aıtqan bolatyn. Al kıim-keshek, zergerlik buıymdar shyǵaratyn ındýstrııa qazir jaǵdaıdyń qaı baǵytqa oıysaryn bilmeı, ishten tunyp tur. 

Naryqtyń tynysy men adamdardyń talǵamyn úılestirip otyratyn sán dızaınerleri de qaı baǵytqa basymdyq bererin bilmeı, qaırańda qalǵan kemeniń kúıin keship jatyr. 

«Bain & Company konsaltıngtik kompanııasynyń esebinde koronavırýstyq pandemııa suranysty tómendetetindikten, «jeke sán-saltanattyń», sonyń ishinde kıim-keshek, zergerlik buıymdar, saǵattar men aksessýarlardyń ǵalamdyq satylymdary shamamen 50-60 paıyzǵa tómendeýi múmkin», dep jazady vesti.ru.

COVID-19 taralýyn toqtatý úshin elderge qatań shekteýler qoıyldy, kóptegen dúkender jabyldy. Osy sharalardyń keıbiri qazir jumsartylǵanymen, bıyl sándik taýarlar satylymy 20-35% -ǵa, 180-220 mlrd eýroǵa túsedi dep kútilýde.

Bain & Company ıtalıandyq «Altagamma» sándik taýarlar assosıasııasymen birlesip daıyndaǵan baıandamada vırýstyń ekinshi tolqyny nemese vaksınany jasaý jáne engizý múmkindigi de aıtylyp ótti.

Kelesi brend taýarlar shyǵaratyn  «Uber» kompanııasy  birinshi toqsanda 2,9 mıllıard dollar shyǵynǵa ushyrady.  Kompanııa qyzmetkerleriniń 14%-yn jumystan bosatýdy sheshti - bul shamamen 3700 adam.

2019 jyly «jeke lıýks» naryǵyndaǵy satylym 281 mıllıard eýroǵa baǵalanady.  Al qazir onyń deńgeıi 150 mlrd eýropaǵa deıin tómendep ketti.  Sarapshylar 2022 jáne 2023 jyldar aralyǵynda joǵaryda kórsetilgen  deńgeıge jetýi múmkin ekenin aıtyp otyr.  

Qytaılyq tutynýshylar naryqty qalpyna keltirýde basty ról atqaratynyn sarapshylar aıtyp jatyr. 2025 jylǵa qaraı «jeke sán-saltanat» naryǵy 320-330 mıllıard eýroǵa jetedi, bes jyldan keıin Qytaı ǵalamdyq sán-saltanat shyǵyndarynyń jartysyn alady degen boljam bar.

Sońǵy jańalyqtar

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Fýtbol • Búgin, 08:04

Uqsas jańalyqtar