Aımaqtar • 09 Mamyr, 2020

Almatyda COVID-19-dy anyqtaıtyn Ońtústik koreıalyq mobıldi skrınıngtik-ortalyq jumysyn bastady

53 retkórsetildi

Megapolıs turǵyndaryn kólikten shyqpaı-aq koronavırýstyq ınfeksııaǵa testileıtin mobıldi skrınıngtik-ortalyǵynyń ashylý saltanaty 9 mamyrǵa tuspa tus keldi. Ońtústik koreıalyq MPK Clinic medısınalyq uıymynyń Covid-19-ǵa qarsy ortalyǵynyń ashylýy Jeńis kúniniń 75 jyldyǵyna arnaldy.

Ortalyqtyń ashylý saltanatyna qalalyq Qoǵamdyq densaýlyq basqarmasynyń basshysy Tileýhan Ábildaev, Medical Partners Korea quryltaıshylary – professor Ǵalymjan Toǵyzbaev, Kazakhstan MRK bas dırektory, professor Mın Hısýk, strategııalyq dırektor Kım Kvangbým, Seegene Clinical Laboratories dırektory Kım De Eng, Korean Health Industry Development Institute dırektory Kım Lı He, sondaı-aq ortalyqtyń alǵashqy kelýshileri qatysty.

О́ndirýshiler testileý júıesiniń az ýaqyttyń ishinde barynsha kóp adamdy skrınıngten ótkizýge múmkindik beretinin, eń bastysy – kólikten shyǵýdy qajet etpeıtin qaýipsiz júıe ekenin atap ótti.

«Alǵashqy mobıldi skrınıngtik ortalyq Ońtústik Koreıada iske qosyldy. Búginde bul tájirıbe AQSh-ta keńinen qoldanylýda. Almaty qalasy da atalǵan testileý júıesin alǵashqylardyń biri bolyp engizip otyr. DDU-men usynylǵan mobıldi skrınıngtik ádis eń qaýipsiz sanalady», – dep málimdedi MPK quryltaıshylarynyń biri, professor Mın Hısýk.

 123

Mobıldi ortalyqta kúnine 100-den astam test júrgizýge múmkindik bar. Uıaly telefon qosymshasy arqyly aldyn-ala tirkelgen jaǵdaıda bir adamdy testileýge shamamen 3-5 mınýt qajet. Bul dástúrli skrınıgke shyǵyndalatyn ýaqyttan úsh ese kem kórsetkish. Jumys leginiń uıymdastyrylýyna baılanysty jumysqa shamamen tórt adamnan segiz adamǵa deıin jumyldyrylady. Qyzmet aqyly túrde ótedi.

MPK quryltaıshylarynyń biri, medısına ǵylymdarynyń doktory, professor Ǵalymjan Toǵyzbaevtyń aıtýynsha, bıologııalyq materıaldy jınaıtyn zerthana Seegene tehnologııasy boıynsha jumys isteıdi. Demek bul zerthana ınfeksııalardy dıagnostıkalaý boıynsha álemdegi kóshbasshy mekeme. Aıta ketetini, Ońtústik Koreıa aýmaǵynan tys jerde ornalasqan bul jalǵyz zerthana Almaty qalasynda jumys isteıdi.

Mobıldi ortalyqtyń jumys isteý kezeńderi tómendegi syzbaǵa sáıkes júrgiziledi: kirý - tirkelý - tekserý - úlgini alý - nusqaýlyq - shyǵý. Testilenýshi kirgennen keıin jeke aqparat, epıdemııalogııalyq faktorlar men qosalqy sımptomdardan turatyn saýalnamany toltyrady. Kabınada dene qyzýy kontaktisiz termometr kómegimen ólshenedi. Osy kezeńde COVID-19 vırýsyna kúdikti bolǵan jaǵdaıda testilenýshi mamandandyrylǵan aýrýhanaǵa aýystyrylady.

«Testileýden ótýge nıet bildirýshiler mobıldi qosymsha jáne www.mpk.kz resmı saıty arqyly tirkele alady», – dedi MPK quryltaıshylarynyń biri, strategııalyq dırektor Kım Kvangbým.

123

«Qazir koronavırýsty anyqtaý úshin mobıldi testileý pýnktteri damýda. Olar jaǵdaıdy turaqtandyrý boıynsha jumystarǵa úlken septigin tıgizip, ınfeksııanyń taralýyna tosqaýyl bola alady. Bul pýnkttiń ashylýy turǵyndar arasynda buǵan deıin belgisiz bolǵan aýrý oshaqtaryn tabýǵa jáne vırýsqa qarsy sharalardy júzege asyrýǵa múmkindik bermek. Ońtústik Koreıada osy ispettes ortalyqtardyń kóbeıýi arqasynda ondaǵy jaǵdaı turaqtalyp, aýrýdyń odan ári taralý qarqyny báseńdedi. Jospar boıynsha Almatyda taǵy osyǵan uqsas birneshe ortalyqtar ashylmaq. Búginge deıin qalada 80 myń adam tekserilip úlgerdi. Almaty testileý boıynsha el ishinde kóshbasshy sanalady», – dep atap ótti qalalyq Qoǵamdyq densaýlyq basqarmasynyń basshysy Tileýhan Ábildaev.

«Atalǵan mobıldi pýnktte úsh aýysymda 18 adam jumys isteıdi. Biz 25 myń reagent ákeldik. Onyń 15 myńy qoldanyldy. Jaqyn arada taǵy 50 myń reagent ákelýdi josparlap otyrmyz. Qosymsha mamandardyń da kelýi kútilýde», – dep tolyqtyrdy sózin Seegene Clinical Laboratories dırektory Kım De Eng.

Mobıldi test alýdyń bul túri COVID-19 vırýsyna skrınıng jasaýda qaýipsiz jáne tıimdi bolyp sanalady.

«Koreıa oılap tapqan koronavırýspen kúresýdiń álemdik modeliniń qupııasy dıagnostıkalyq testterdiń kóp mólsherde jasalýynda jáne onyń nátıjesiniń tez shyǵarylyp, juqtyrǵandar men juqtyrylýy múmkin jaǵdaılardy tez oqshaýlaý, sonymen birge, aldaǵy juqtyrý jaǵdaılaryn esepke alý úshin vırýstyń oryn aýystyrý baǵyttaryn qadaǵalaý tehnologııasyn qoldaný bolyp tabylady. Koronavırýspen kúrestegi Koreıanyń jetistikteriniń biri – júrip bara jatqan kezde, kólikte júrgiziletin tekserýler. Biz koreıalyq noý-haýdy Qazaqstanda tanystyryp jatqanymyzǵa qýanyshtymyz jáne dıagnostıkalyq tekseristiń jyldam ári qaýipsiz sharalarynyń arqasynda koronavırýspen baılanysty bul jaǵdaıda tez arada turaqtandyrý múmkin bolady dep senemiz», – dedi KHIDI-diń TMD elderi boıynsha dırektory Kım Lı He.

Mobıldi skrınıng-ortalyq saǵat 09.00-den 16.00-ge deıin demalyssyz jumys isteıdi. Atalǵan ortalyq epıdemııa aıaqtalǵanǵa deıin qyzmet kórsetedi.

«Avtokólik júrgizýshilerge bul óte yńǵaıly. Birinshi kezekte, kólikten shyǵýdyń qajeti joq jáne tyǵyz baılanys jasamaısyń. Tezirek tirkeýden ótip, kelgennen keıin senen taldama alady jáne birden ketip qalýǵa bolady. Kóp ýaqyt ketpeıdi. Mundaı testileýdiń taǵy bir ońtaıly tusy, onyń jabyq ǵımaratta emes, ashyq aspan astynda, dalada ótetindiginde jáne bul qaýipsiz bolyp sanalady», – deıdi Ádilbek esimdi avtokólik júrgizýshisi.

Sonymen birge, jaqyn arada Almatyda jaıaý júrginshiler úshin de COVID-19-ǵa test jasalatyn osy syndy pýnktterdi ashý qarastyrylýda.

 

 

 

ALMATY

Sońǵy jańalyqtar

Apple Store dúkeni ne úshin qorshalýda?

Tehnologııa • Búgin, 18:41

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar