«1943 jyly Japonııa tarapynan qaýip seıilip, keńestik áskerler batysqa jiberilgende bizdi de sonda jóneltti. Osynda aldymen Kýrsk doǵasyndaǵy shaıqasqa úsh apta qatysyp, basyma mınanyń jaryqshaǵy tıgen soń gospıtalǵa jatqyzyldym. Ol jerde petlısalarynda ushaqtyń belgileri bar áskerı adam kelip, bizben áńgimelesti. Maǵan «Avıasııaǵa barǵyń kele me?"-dedi. Men ózimniń jaıaý ásker ekenimdi aıttym. Ol bolsa, úıretemiz, bizge kelesiń dep meni jazyp alyp ketti», deıdi maıdanger.
Sodan avıasııada qyzmet etken ol 1945 jyly Lıýblın mańyndaǵy aerodromdy atqylaý kezinde aýyr jaraqattanypty. Jeńis kókteminde aýrýhanada jatyp, úıine qarasha aıynda oralǵan. Aýdandyq mılısııa bólimine saýatty esepshi-hatshy kerek bolyp, ony sol jerge jumysqa shaqyrǵan. "Men pedýchılıshe bitirgenmin. Qalaısha esepshi bolamyn?"- degen kúmánine "Úırenesiń!" dep bir-aq qaıyrǵan. Biraq kabınette otyryp jumys isteý kóńilinen shyqpaı, ol mılısııa mektebine oqýǵa jiberýdi ótingen. Oqýdan keıin ony Soltústik Qazaqstanǵa jiberip, qylmystyq-atqarý júıesindegi jedel laýazymdarda shırek ǵasyr qyzmet atqarypty.
Zeınetke 48 jasynda shyqqanymen, 80 jasqa deıin jumys istegen eken.
Oblystyq polısııa departamenti qyzmetkerleri Grıgorıı Ivanovıchti umyt qaldyrmaı, jeńis kúni qarsańynda departament basshysy Marat Tólebaev ardagerge baryp, jyly lebizin bildirip, quttyqtady.
Osy kúni SQO Iývenaldyq polıseıleri tyl eńbekkerlerin quttyqtady. Sonyń ishinde 81 jastaǵy Marııa Tymchýk te bar. Eńbek ardageri surapyl jyldarda konslagerde bolǵan kezin emis-emis esinde saqtapty. Jaralanǵan nemister úshin balalardan qan alý bes jastaǵy qyzdyń esinde máńgi qalǵan. Taǵdyrdyń jazýymen tiri qalǵan olar soǵystan keıin Smolensk qalasynyń túbindegi týǵan ólkesine kelgende ondaǵy úıleriniń orny ǵana qalǵanyn kóredi. Sodan, taǵdyrdyń jazýymen Qazaqstannan pana tapqan eken. Qazir ol Qyzyljar qalasynda jalǵyz turady.
Iývenaldyq polısııa qyzmetkerleri osyndaı jalǵyzbasty jandardy quttyqtap, olarǵa qýanysh syılady.
PETROPAVL
