Aımaqtar • 10 Mamyr, 2020

Shymkent qalasynyń ákimi soǵys ardagerin quttyqtady

15 retkórsetildi

Prezıdent Qasym-Jomart Toqaevtyń tapsyrmasymen Shymkent qalasyndaǵy 40 maıdangerge Uly Jeńistiń 75 jyldyǵy arnaıy medali men quttyqtaý haty tabystaldy. Bul týraly qala ákimdiginiń baspasóz qyzmeti habarlady.

Mereke qarsańynda qala ákimi Murat Áıtenov UOS ardageri Sársen Ábdinurovtyń úıine baryp, arnaıy medalin tapsyryp, Prezıdent Q.Toqaevtyń quttyqtaý hatyn oqyp berdi.

Maıdanger atamyz 1922 jyldyń 22 jeltoqsanynda dúnıege kelgen. Soǵys jyldarynda ol 368-shy, keıin 823-shi atqyshtar polkinde qyzmet etti. Keıinnen 1-shi Ýkraına maıdanynyń quramynda shaıqasyp Berlınge deıin barǵan. Surapyl soǵys aıaqtalǵannan soń 1947 jylǵa deıin Germanııada Sovet Armııasy qatarynda qyzmet etken.

Elge oralǵan soń pochtada, mádenıet salasynda basshylyq laýazymda qyzmet etken. Almatydaǵy Qazaq memlekettik ýnıversıtetin syrttaı bitirgen soń 1961-1971 jyldar aralyǵynda Shymkent oblystyq ishki ister salasynda jaýapty qyzmetter atqardy. 1971 jyldan qurmetti eńbek demalysyna shyqqansha Shymkent qalasyndaǵy eńbekke ornalastyrý basqarmasynda jaýapty qyzmette bolǵan.

Soǵys jyldarynda Sársen Ábdinurov II dárejeli «Uly Otan soǵysy» ordenimen, «1941-1945 j.j. Germanııany jeńgeni úshin», «Sovet Odaǵynyń marshaly G.K. Jýkov» jáne basqa da medaldarmen marapattalǵan.

Aıta keteıik, Uly Jeńistiń 75 jyldyǵyna oraı qaladaǵy UOS 40 ardageriniń árbirine Shymkent qalasynyń ákimdigi 1 mıllıon teńge kóleminde syıaqy berdi.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar