Bas hatshy keledi

Astana jáne Semeı qalalaryna barý saparyn qamtıtyn bul kezdesýde saıası baılanystardy nyǵaıtý máseleleri qarastyrylyp, bizdiń elimizdiń basshylarymen ózekti yntymaqtastyq máseleleri talqylanady. Sondaı-aq, elimizdiń EQYU-ǵa tóraǵalyǵy barysyndaǵy halyqaralyq problemalar qamtylmaq. Sapar sheńberinde Bas hatshy burynǵy Semeı ıadrolyq polıgonynda bolyp, Ulttyq ıadrolyq ortalyqpen, radıasııalyq qaýipsizdik jáne ekologııa ınstıtýty jumysymen tanysady.

I.Omarov, sondaı-aq BUU-men yntymaqtastyq Qazaqstannyń syrtqy saıasatynyń negizgi baǵyttaryna jatatyndyǵyn ataı kelip, Qazaqstan 1992 jyly bul uıymǵa kirgen ýaqyttan beri ózin BUU-nyń tolyqqandy múshesi retinde ǵana emes, sonymen qatar, basty halyqaralyq uıymnyń ishinen bedeldi oryn ala bilgenin atap kórsetti. 7 sáýirde Elbasynyń shaqyrýymen Ýkraınanyń jańadan saılanǵan Prezıdenti Vıktor Iаnýkovıchtiń Qazaqstan Respýblıkasyna alǵashqy resmı sapary ótedi, dep jalǵady brıfıngtegi sózin baspasóz hatshysy.

Sapar barysynda eki Memleket basshylarynyń shaǵyn jáne keńeıtilgen quramdarda kelissózderi bolady. Sonymen qatar, sapardyń sheńberinde saýda-ekonomıkalyq, otyn-energetıkalyq salalardaǵy, máshıne jasaý ónerkásibi men agroónerkásiptik keshendegi, kosmos salasyndaǵy jáne gýmanıtarlyq yntymaqtastyq boıynsha birqatar máseleler talqylanady. 8-9 sáýirde Qazaqstan Premer-Mınıstri K.Mási­movtiń shaqyrýymen Grýzııanyń Premer-mınıstri Nıkoloz Gılaýrıdiń Astanaǵa jumys sapary ótedi. Josparlanǵan kelissózder barysynda eki eldiń úkimet basshylary Qazaqstan-Grýzııa isker yntymaqtas­ty­ǵy­nyń jaǵdaıy men perspektı­valaryn, sondaı-aq eko­nomıkalyq daǵdarystyń saldaryn birlesip jeńý úshin qajet sharalardy talqyǵa salady, dedi I.Omarov.

Onyń aıtýynsha, sapardyń qarsańynda, 7 sáýirde Astana qalasynda Qazaqstan-Grýzııa saýda-ekonomıkalyq yntymaq­tastyǵy jónindegi Úkimetaralyq komıssııa­synyń kezekti otyrysy ótedi dep josparlaǵan. 4-9 sáýir aralyǵynda Qazaqstan-Brıtanııa saýda-ónerkásip keńesiniń tóraǵasy D.Stattardtyń qasynda ilesip júretin bıznes-delegasııa Qazaqstan Respýb­lıkasyna saparmen keledi, dedi brıfıng sońynda baspasóz hatshysy. Sapar barysynda Almaty men Astana qalalarynda mańyzdy kezdesý­ler josparlanǵan, onyń ishinde QR Úkimetiniń jáne mınıstrlikter men vedomstvolardyń, sondaı-aq ulttyq kompanııalardyń basshylyqtarymen júzdesedi dep kútilýde.