Aımaqtar • 10 Mamyr, 2020

Almatyda Jeńistiń 75 jyldyǵyna arnalǵan eske alý aksııasy áleýmettik jelilerde qarqyn aldy

13 retkórsetildi

«Kanıkýly Off-Line 2» fılminde oınaǵan qazaqstandyq jas akter Aıbar Tańǵyt óziniń Instagram paraqshasynda #UlyDalaBatyrlary chellendjin iske qosty.

Jas akter óziniń atasy 391-shi atqyshtar dıvızııasy 1024-shi atqyshtar polkiniń jaýyngeri Qazken Tyshtyqbaevtyń áskerı erlikteri týraly aıtyp berdi.

Bul chellendj tek Uly Jeńisti ǵana emes, bolashaq urpaqtyń beıbit ómiri úshin janyn qıǵan batyrlarymyzdy da umytpaýǵa shaqyrady.

Atalmysh aksııany kóptegen qazaqstandyq tanymal adamdar qoldady. Olardyń arasynda ánshi, Qazaqstannyń eńbek sińirgen qaıratkeri Mádına Sádýaqasova, akter, rejısser jáne prodıýser Sanjar Mádıev, bıznesmen Beıbit Álibekov jáne sportshy Aldııar Álibekov, ánshi Álisher Karımov, aktrısa Dına Tasbýlatova, artıst ári sıqyrshy Murat Muturǵanov, aktrısa Bıbigúl Aqtan, akter Ermek Turǵanbek, "BestBrothers" mýzykalyq toby, sondaı-aq jas juldyzdar: akter Beket Mýkenev, ıllıýstrator Hanıfa Maǵjan, aktrısa, jýrnalıst jáne bloger Arýjan Hafız, model Krıstına Kırıchenko, akter Aıbat Oljataı jáne taǵy basqalar bar.

Joba qatysýshylary sondaı-aq, halyq jadyndaǵy batyrlardyń erlikterin máńgi este qaldyrý úshin bárimizdi osy qatarǵa qosylýǵa shaqyrady. Soǵys qaharmandary biz úshin otanshyldyq pen adaldyqtyń, adamgershilik pen abyroıdyń bıik úlgisi. Osynaý rýhanı qundylyqtardy saqtaý jáne ardagerlerimizdi meıirim men qamqorlyqqa bóleý asa mańyzdy.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar