Tehnologııa • 11 Mamyr, 2020

Kezekti aldyn ala brondaı alamyz

17 retkórsetildi

Qaraǵandy, Aqtaý jáne Oral qalalaryndaǵy birneshe halyqqa qyzmet kórsetý ortalyǵy jumysyn qaıta jandandyryp, jańa formatta qyzmet kórsete bastady. Alǵashqy jumys kúni osy HQO-larda 2038 memlekettik qyzmet kór­se­tildi. Olardyń 70%-dan astamy aldyn ala brondaý arqyly qamtamasyz etilgen. Qal­ǵandary sol jerde bron jasaǵan nemese operatorlardyń bosaýyn kútken.

Esterińizge sala keteıik, ótken aptada «Azamattarǵa arnalǵan úki­met» memlekettik korporasııasy koro­navırýs pandemııasy qaýpiniń saqtalýyna baılanysty memlekettik qyzmetterdi kórsetýdiń jańa formatyn usyndy, oǵan sáıkes azamattar HQO-dan tek «qaǵaz júzin­degi» qyzmetter men onlaın túr­de resimdelgen qyzmetterdiń nátı­jelerin ala alady.

Bul rette qyzmetterdi tek aldyn ala jasalǵan brondaý arqyly alýǵa bolady. Halyqqa qyzmet kórsetý or­­talyǵyna kezek ýaqytyn egov.kz

portaly nemese 1414 nómirine qo­ńyraý shalý arqyly belgileı alasyz.

«Azamattarǵa arnalǵan úkimet» memlekettik korporasııasynyń bas­qarma tóraıymy Ásemgúl Baltashe­vanyń aıtýynsha, kezekke tapsyrys berý – eń aldymen qyzmet alýshy úshin óte yńǵaıly. Ol HQO-ǵa birden qyzmet alý úshin nemese qujatyn alyp ketý úshin ǵana barady. «Birinshi kúni biz kezekke tapsyrys bermegen klıentterdiń ózinen jaǵymdy pikir estidik. Olar qyzmetterdi tez alýǵa bola­tynyn kórip, kelesi joly tek brondaý arqyly kelýge ýáde berdi», dedi Á.Baltasheva.

Ol sondaı-aq kezekke tapsyrys bergen klıentterdiń belgilengen ýa­qyt aralyǵynda kelý kerektigin aıtty, sebebi bron ýaqyty ótip ketse, qaıta brondaý rásimin jasaý kerek. So­nymen qatar bron barysynda tir­kelgen JSN ıesi ǵana elektrondy ke­zekti paıdalana alady.

Esterińizge sala keteıik, 4 mamyrdan bastap tótenshe jaǵdaı tár­tibin qamtamasyz etý jónindegi shtabtardyń sheshimimen birqatar aımaqta halyqqa qyzmet kórsetý ortalyqtary ashyldy.

Atap aıtqanda, Qaraǵandy, Aq­taý jáne Oral qalalarynda jeke tul­ǵalarǵa qyzmet kórsetý úshin aldyn ala brondaý arqyly HQO-lar ashyldy, al Nur-Sultan qalasy men Aq­mo­la, Aqtóbe, Atyraý, Soltústik Qa­zaq­­stan jáne Túrkistan oblysta­ryn­da HQO-lar shaǵyn jáne orta bız­neske qyzmet kórsetý úshin ashyldy.

Sońǵy jańalyqtar

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Uqsas jańalyqtar