Eske sala keteıik, COVID-19 boıynsha telegram-bot Nur-Sultan jáne Almaty qalalarynda, sonymen qatar basqa da oblystarda tótenshe jaǵdaı rejimi engiziler aldynda ǵana Densaýlyq saqtaý mınıstrliginiń Operasııalyq shtaby, sondaı-aq qatysy bar ózge de qurylymdardyń qyzmetkerlerin saraptaýǵa negizdelgen jedel, tekserilgen kommýnıkasııany ornatý maqsatynda iske qosylǵan bolatyn.
Kún saıyn artyp kele jatqan jazylýshylardyń sany (25 000+), sondaı-aq paıdalanýshylar qoıǵan suraqtar qurylymynyń keń aýqymy jańa baılanys arnasynyń fýnksıonalyn masshtabtaý qajettiligin kórsetti. Júrgizilgen tehnıkalyq renovasııadan keıin bot koronavırýs týraly derekter bazasynan ózine belgili suraqtarǵa jaýap berýdi úırendi. Eger buryn 100-den astam ózekti suraqtyń ishinen paıdalanýshyǵa bólimge kirip, qajetti suraqty izdeýge týra kelse, qazir mátindi terý jetkilikti, al bot oǵan jaýap beredi. Osyǵan baılanysty aqparat alý jyldamdyǵy birneshe esege artty. Eger bot jaýapty bilmegen jaǵdaıda, ol paıdalanýshyny operatorǵa qosady. Jasandy ıntellekt múmkindikterimen nyǵaıtylyp jańartylǵan bot jumysynyń biregeıligi – ol paıdalanýshylarmen dıalog barysynda jetildirilip, aqyldy bola túsedi. Bul júıege naqty jáne aıqyn jaýaptar berýge múmkindik beredi, ol paıdalanýshynyń suranysyna sáıkes keledi. Aıta ketý kerek, ár ashylǵan saıyn bot yńǵaıly bola túsedi, ony jańa quzyrettermen qamtamasyz ete otyryp, qaıta oqyp shyǵýǵa jáne baǵyttaýǵa bolady.
Qoǵamdyq densaýlyq saqtaý ulttyq ortalyǵynyń dırektory Damır Kóbjasarov pandemııa jáne karantın aıaqtalady, al bot el azamattaryna septigin tıgize alatyn máseleler áli de biraz ýaqyt saqtalady dep esepteıdi. Kommýnıkasııanyń qarqyndy jáne yńǵaıly arnasy – bul Densaýlyq saqtaý mınıstrligi jumysynyń ózekti máseleleri boıynsha quzyretti keri baılanysty damytýǵa jáne qamtamasyz etýge qabiletti uzaq merzimdi quraldarǵa salý.
