Saıasat • 11 Mamyr, 2020

Sheteldik qujattardy nostrıfıkasııalaýǵa bolady

24 retkórsetildi

Elimizdiń azamattary Qazaqstan Res­pýb­lıkasynda tanylýǵa jáne nostrı­fıka­sııalaýǵa jatatyn bilim týraly qujattar úshin «Elektrondy úkimet» portalynda «Bilim týraly qujattardy taný jáne nostrıfıkasııalaý» atty kórsetiletin qyzmetti paıdalana alady. Qyzmet kórsetýdiń nátıjesinde elektrondy nysanda bilim týraly qujattardy taný/nostrıfıkasııalaý týraly kýálik nemese qyzmet kór­setýden bas tartý týraly dáleldi jaýap beriledi.

«Búginde kópshiligi shetelde bilim alýda nemese sheteldik bilimge ıe. Sondyqtan bul kórsetiletin qyzmet keńinen tanymal deýge bolady. Júrgizilgen ıntegrasııanyń jáne prosesti avtomattandyrýdyń nátıjesinde endi qujattardy onlaın rejiminde zańdastyrýǵa bolady. Sizdiń ótinimińiz tikeleı Bilim jáne ǵylym mınıstrliginiń Bolon prosesi jáne aka­demııalyq mobıldik ortalyǵyna qaraýǵa jibe­riledi», dep túsindirdi «Ulttyq aqparattyq tehno­logııalar» AQ basqarma tóraǵasy Áset Turysov.

Kórsetiletin qyzmetti alý úshin eGov.kz portalyna kirý, sodan soń «Bilim» qosymshasyn tańdaý qajet. «Joǵary oqý ornynan keıingi bilim» bóliminde qajetti qyzmetti tańdaǵan soń odan ári portalda avtorlaný jáne «Qyzmetke onlaın tapsyrys berý» batyrmasy boıynsha ótý kerek. Sodan soń qujat ıesi týraly negizgi málimetterdi engizip, «Bilim týraly qujattardy taný/nostrıfıkasııalaý», «Bilim týraly qujattardy taný/nostrıfıkasııalaý týraly kýáliktiń telnusqasy» qyzmetiniń bir túrin tańdaý, barlyq qajetti qujattardyń kó­shirmelerin bekitý, qyzmetti tóleý jáne bir ret­tik parol nemese ESQ kómegimen qol qoıý qajet.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar