17:35
Reseı vırýs kóp taraǵan AQSh pen Ispanııadan keıingi úshinshi elge aınaldy
11:02
Ýhan naýryz aıynan beri eń joǵary kórsetkishti tirkedi
Indettiń oshaǵy bolǵan Qytaıdyń Ýhan qalasy 11 naýryzdan beri bolmaǵan eń joǵary kórsetkishti tirkedi. Elde jalpy jańa 17 jaǵdaı tirkelse, onyń beseýi Ýhanda anyqtalǵan.
Anyqtalǵan 7 naýqas shetelden kelgen. El ishindegi bes adam vırýsty Reseımen shekaralas eldimekende juqtyrǵan.
Qytaıda jalpy 84 010 adamnyń vırýs juqtyrǵany belgili. Olardyń ishinde 79 167 naýqas aıyqqan, al 4 637 adam qaıtys boldy.
Qazir elde vırýs juqtyrǵandardy anyqtaǵanda aýrý belgileri bar naýqastarmen qatar sımptomsyz naýqastar sanyn bólek eseptep jatyr.
10:25
Germanııada 357 adamnyń vırýs juqtyrǵany anyqtaldy
Elde jańa anyqtylǵan 357 jaǵdaıdy qosqanda vırýs juqtyrǵandar sany 169 575 adamǵa jetti. Al sońǵy táýlikte 22 adam, barlyǵy 7 417 naýqas qaıtys bolǵan.
Germanııa - Eýropada karantın rejımderin jeńildetken alǵashqy elderdiń biri. О́tken apta sońynda myńdaǵan el turǵyny karantındi tolyǵymen alyp tastaý týraly talaptaryn alǵa tartqan edi. Alaıda qatań sharalar báseńdegende vırýs juqtyrǵandar kóbeıip barady. Qazir Germanııada dúkender ashyq, oqýshylar mektepke qaıta bara alady, fýtbol oıyndaryn ótkizýge de ruqsat berildi.
10:11
Reseı vırýs eń kóp taraǵan bestikke qosyldy
Elde koronavırýs juqtyrýdyń jańa 11 012 jaǵdaıy tirkeldi. Qazir Reseıde barlyǵy 209 688 adam indet juqtyrǵan. Olardyń ishinde 34 306 naýqas jazylyp shyqsa, 1 915 adam qaıtys boldy.
Jalpy vırýs juqtyrǵandardy anyqtaý úshin 5,4 mln test jasalǵan.
