Qazaqstan • 11 Mamyr, 2020

Qazaqstanda 7 qalamen ishki áýe reısteri qaıta ashylady

26 retkórsetildi

El ishinde júrip-turý múmkindigi keńeıtilýde. Bul týraly Qazaqstan Respýblıkasynyń Úkimetiniń alańynda ótken brıfıng barysynda Premer-Mınıstrdiń orynbasary Eraly Toǵjanov málimdedi.

1 mamyrdan bastap Nur-Sultan, Almaty qalalarynan О́skemen, Semeı, Pavlodar, Qyzylorda jáne Petropavl qalalary arasynda áýe reısteri qalpyna keltirilgen edi.

E. Toǵjanovtyń habarlaýynsha, búginnen bastap Prezıdenttiń sheshimi boıynsha áýe qatynasy elimizdiń taǵy 7 qalasyna ‒ Aqtóbe, Qaraǵandy, Kókshetaý, Qostanaı, Pavlodar, Taraz, Taldyqorǵan qalalaryna ashylady.

Sondaı-aq ishki áýe qatynastary úshin PTR-test tapsyrý máselesi qoǵamdyq talqyǵa tústi. Búginnen bastap mundaı talap bolmaıdy.

«Bul aýqymdy skrınıngtiń aıaqtalyp jatqanyna baılanysty, elimizde koronavırýsqa 400 myńǵa jýyq test júrgizildi. Memleket basshysy atap ótkendeı, bul istiń obektıvti jaı-kúıin anyqtaýǵa jáne qazaqstandyqtardy emdeý boıynsha qajetti sharalardy qoldanýǵa múmkindik berdi», — dedi E. Toǵjanov.

Degenmen, ushý kezindegi sanıtarlyq baqylaý burynǵysynsha saqtalady: jolaýshylardyń dene temperatýrasyn ólsheý, otyrǵyzý jáne ushaqtan shyǵý kezindegi áleýmettik qashyqtyq jáne maska taǵý.

Osy kezeńde temir jol kóliginde júrip-turý qarastyrylmaǵan.

«Baqylaý beketteriniń jumysyna qatysty suraqtar da kóptep túsip jatyr. TJ rejımi toqtatylǵanyna qaramastan, olar áli de áreket etip turady. Alaıda, qala mańynda turatyn, biraq qalada jumys isteıtin jáne kerisinshe qalada turyp, qala shetinde jumys isteıtin azamattar óńirler ákimdikteriniń bekitilgen tizimi boıynsha blokposttardan óte alady», — dep atap ótti vıse-premer.

Bilim salasyna toqtalar bolsaq, 3,3 mln oqýshyny jáne JOO-lar men kolledjderdiń 1 mln stýdentin qashyqtan oqytý oqý jylynyń sońyna deıin jalǵasady. Attestattardy tabystaý men sońǵy qońyraý mektepterde 3-4 maýsymda ashyq alańda, sanıtarlyq normalardy qatań saqtaı otyryp, shekteýli adamdar sanymen ótkiziledi. Aıta keteıik, UBT-ny 20 maýsymnan bastap 168 pýnkt bazasynda qatań sanıtarlyq erejelerdi saqtaı otyryp, shtattyq rejımde ótkizý josparlanǵan.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar