«Osy kúnge deıin 4 mln 539 myń adamǵa 42500 teńge áleýmettik tólem taǵaıyndaldy. Barlyǵy 193 mlrd teńge berildi. Onyń ishinde osy Tótenshe jaǵdaıdyń birinshi aıynda, ıaǵnı 16 sáýirge deıin 3 mln 735 myń adam ótinish bergen. Osy adamdar ekinshi aıda da tólemderin alýǵa quqyly. Ol tólemderdi biz iske asyra bastadyq. Mamyr aıynyń basynan 2 mln-ǵa jýyq adamnyń sheshimin rásimdep, 99 mlrd teńge bankterge jiberdik. Biraz azamattar alyp úlgerdi. Qalǵandaryna da beriledi», - dedi mınıstr B. Nurymbetov.
Mınıstr búginnen bastap ótinishterdiń qabyldanbaıtynyn atap ótti.
«Búgin tótenshe jaǵdaı rejımi aıaqtaldy. Sondyqtan da biz búginnen bastap 42500 teńgege jańadan beriletin ótinishterdi qabyldaýdy toqtatamyz. Biraq osy 11 mamyrǵa deıin ótkizilgen ótinishterdiń barlyǵy mindetti túrde qaralyp, erejege sáıkes bolsa, taǵaıyndalyp, tólenetin bolady», - dedi Birjan Nurymbetov.
