«Aınalym kapıtaldyq 8 paıyz jeńildikpen nesıeleý jáne qarapaıym zattar ekonomıkasy baǵdarlamasy boıynsha jyldyq 6 prosentpen jeńildikpen nesıeleý ulǵaıtý sheńberinde 1 trln teńge bıýdjetten tys qarajat qarastyrylǵan. 4,5 mln adam 2 aı ishinde 42,5 myń teńge tólem alýda. Bul maqsatqa 380 mlrd teńge memlekettik áleýmettik saqtandyrý qorynan kózdelgen. Turǵyn úı qurylysyn 15 mln sharshy metrge jetkizý úshin qosymsha 390 mlrd teńge bıýdjetten tys kózden tartylady», dedi Álıhan Smaıylov.
Mınıstrdiń aıtýynsha, respýblıkalyq bıýdjettiń salyq kiristeriniń tómendeýin óteýge jáne tıisti memlekettik barlyq áleýmettik mindettemelerin oryndaýǵa 1,7 trln teńge bólinedi. Ekonomıkanyń zardap shekken sektorlaryndaǵy shaǵyn jáne orta bıznes sýbektileri men iri bıznes ókilderine eńbekaqy tóleý boıynsha salyqtar men alymdardy tóleýden bosatýǵa baılanysty jergilikti bıýdjetterdiń shyǵyndaryn óteýge 237 mlrd teńge qarastyrylǵan.
