Ekonomıka • 11 Mamyr, 2020

Koronavırýspen kúreske respýblıkalyq bıýdjetten shamamen 150 mlrd teńge bólindi - Álıhan Smaıylov

27 retkórsetildi

Koronavırýsqa jáne álemdik iskerlik belsendiliktiń tómendeýine baılanysty daǵdarysqa qarsy sharalardy iske asyrýǵa Úkimet jalpy alǵanda 5,9 trln teńge baǵyttaldy. Onyń ishinde respýblıkalyq bıýdjet esebinen – 3,4 trln teńge jáne bıýdjetten tys qarajat esebinen ‒ 2,5 trln teńge bólindi. Bul týraly Úkimet úıinde ótken onlaın-brıfıngte Premer-Mınıstrdiń birinshi orynbasary ‒ qarjy mınıstri Álıhan Smaıylov málimdedi. 

Shyǵyndar jumyspen qamtýdy arttyrýǵa, tabysynan aıyrylý boıynsha aı saıynǵy tólemderge, áleýmettik tólemderge, turǵyn úı qurylysyna, bıýdjettiń salyq kiristeriniń shyǵyndaryn óteýge jáne Memleket basshysynyń tapsyrmalary boıynsha basqa da baǵyttarǵa jumsaldy.

«Atap aıtqanda, Jumyspen qamtýdyń jol kartasyn qarjylandyrýǵa 1 trln teńge qarastyrylǵan, onyń ishinde respýblıkalyq bıýdjet esebinen – 300 mlrd teńge (bıýdjetten tys qarajat – 700 mlrd teńge). Atalǵan qarajat sheńberinde óńirlerde ınfraqurylymdyq jobalar iske asyrylady jáne 255 myń jumys orny qurylady. Bıznes sýbektileriniń aınalym kapıtalyn 8% jeńildikpen nesıeleýge jáne ınvestısııalyq jobalardy jeńildetilgen nesıeleýdi jyldyq 6%-ǵa keńeıtýge «Qarapaıym zattar ekonomıkasy» baǵdarlamasy boıynsha bıýdjetten tys tartylǵan qarajat esebinen 1 trln teńge qarastyrylǵan», — dedi Álıhan Smaıylov.

Shamamen 4,5 mln adam 2 aı ishinde 1 ETJ nemese 42,5 myń teńge kóleminde tabysynan aıyrylýy boıynsha tólem alýda. Osy maqsatqa Memlekettik áleýmettik saqtandyrý qorynan shamamen 370 mlrd teńge qarastyrylǵan.

Turǵyn úı qurylysy úshin eldegi turǵyn úı qurylysynyń kólemin 15 mln sharshy metrge deıin jetkizý úshin qor naryǵynan qosymsha 390 mlrd teńge tartylady.

Respýblıkalyq bıýdjettiń salyq kiristeriniń shyǵyndaryn óteýge jáne tıisinshe memlekettiń barlyq áleýmettik mindettemelerin oryndaý úshin 1,7 trln teńge bólindi.

Ekonomıkanyń zardap shekken sektorlaryndaǵy ShOB sýbektileri men iri bıznesti eńbekaqy tóleý qory boıynsha salyqtar men alymdardy tóleýden bosatýǵa baılanysty jergilikti bıýdjetterdiń shyǵyndaryn óteýge 237 mlrd teńge qarastyrylǵan.

313 mlrd teńge áleýmettik tólemderdi (zeınetaqylar, járdemaqylar, ataýly áleýmettik kómek) 10%-ǵa deıin qosymsha ındeksteýge, stıpendııalardy arttyrýǵa jáne kommýnaldyq qyzmetterdi tóleý boıynsha halyqtyń tólemderin óteýge jumsalady.

«AО́K-ti damytý, «Eńbek», «Bıznestiń jol kartasy», «Aýyl ‒ el besigi» memlekettik baǵdarlamalaryn keńeıtýge 240 mlrd teńge qarastyrylǵan. Agroónerkásiptik keshendi sýbsıdııalaýǵa ‒ 50 mlrd teńge, «Eńbek» memlekettik baǵdarlamasy aıasynda eńbek naryǵyn damytýǵa – 50 mlrd teńge, «Bıznestiń jol kartasy – 2025» memlekettik baǵdarlamasy sheńberinde syıaqy mólsherlemesin sýbsıdııalaý jáne kredıtter boıynsha kepildik berýge – 84,5 mlrd teńge, «Aýyl – el besigi» jobasy aıasynda aýyldyq eldi mekenderde áleýmettik jáne ınjenerlik ınfraqurylymdy damytýǵa – 55 mlrd teńge», — dep atap ótti Premer-Mınıstrdiń Birinshi orynbasary – qarjy mınıstri.

Epıdemııaǵa qarsy is-sharalardy júrgizýge 125 mlrd teńge qarastyrylǵan, onyń ishinde medısına mamandaryna jáne basqa da qyzmetkerlerge ústeme aqy tóleý, halyqtyń áleýmettik álsiz toptaryn azyq-túlik jáne turmystyq jıyntyqtarmen qamtamasyz etý jáne t. b. qarastyrylǵan.

Qosymsha shyǵyndar azamattar men ekonomıkany qoldaýǵa, sonyń ishinde Memleket basshysynyń tapsyrmalaryn iske asyrýǵa – 575 mlrd teńge baǵyttaldy.

Osy qarajat sheńberinde aıyrbas baǵamynyń ósýine baılanysty bıýdjet shyǵystary, Nur-Sultan qalasyndaǵy úlestik qurylystyń problemalyq obektilerin aıaqtaýǵa arnalǵan shyǵystar jáne basqa da basym mindetter qarastyrylǵan.

«Koronavırýsqa qarsy kúreske nemese epıdemııaǵa qarsy is-sharalarǵa RB-dan shamamen 150 mlrd teńge bólindi, bul dollarmen eseptegende 350 mln dollar. Olar 5,9 trln teńge quramynda, olar jalpy daǵdarysqa qarsy sharalardy júzege asyrýǵa baǵyttalady. Bul ‒ jumyspen qamtýdy qoldaý, áleýmettik tólemder, bıznesti qoldaý, kásipkerlerdi jeńildikpen nesıeleý, turǵyn úı qurylysy jáne t. b. Bul qarajat 1 jylǵa josparlanǵan», — dedi Álıhan Smaıylov.

Máselen, bıznesti jeńildikpen nesıeleýge 1 trln teńge baǵyttalady. Bul bızneske tómen mólsherlememen nesıe túrinde beriletin qaıtarymdy qarajat.

Jumyspen qamtýdyń jol kartasyn júzege asyrýǵa 1 trln teńge qaralǵan, onyń 300 mlrd teńgesi bıýdjetten, qalǵandary – bıýdjetten tys qarajat. Bul ‒ áleýmettik nysandardy, TKSh obektilerin, ınjenerlik ınfraqurylymdy salý jáne rekonstrýksııalaý, eldi mekenderdi abattandyrý. 255 myń jumys orny qurylady. Iаǵnı, Úkimet osy jyldyń ishinde baǵyttaıtyn barlyq qarajattyń mańyzdy áleýmettik-ekonomıkalyq máni bar jáne halyqtyń jumyspen qamtylýyn, olardyń tabystaryn saqtaýǵa jáne eldegi iskerlik belsendilikti qoldaýǵa múmkindik beredi.

Sońǵy jańalyqtar

Portret (Úshtaǵan)

Ádebıet • Búgin, 08:51

Ár adam – jerdiń tutynýshysy

Ekologııa • Búgin, 08:48

Osyndaı elim bar!

Pikir • Búgin, 08:42

Ár eldiń óz damý joly bolady

Saıasat • Búgin, 08:40

Baılamy bekem bátýaly sóz

Saıasat • Búgin, 08:37

Keı óńirde vırýs órshı tústi

Koronavırýs • Búgin, 08:24

StopMusor ekologııalyq jobasy bastalady

Ekologııa • Búgin, 08:22

Toıymsyzdyq – tas joldyń sory

Qoǵam • Búgin, 08:14

«Meniń Týym» aksııasy ótti

Aımaqtar • Búgin, 08:09

Elimizdiń basty qundylyqtary

Saıasat • Búgin, 08:06

Sharalar qatań saqtalýy tıis

Tennıs • Búgin, 08:04

«Barys» – úzdikter qatarynda

Hokkeı • Búgin, 08:03

Ushty, ushty, shatyr ushty!..

Qoǵam • Búgin, 07:56

Yntymaqtastyq yrysymyzdy eseleıdi

Pikir • Búgin, 07:45

Almatyda aqyn kóp...

Ádebıet • Búgin, 07:44

«Aqbilek». Jan jarasy...

Ádebıet • Búgin, 07:42

Shuǵyla-nurdy betke alyp...

Rýhanııat • Búgin, 07:38

Abaıǵa arnalǵan músháıra

Abaı • Búgin, 07:36

Jalǵyz kompanııa Alataýdy ıgere ala ma?

Ekonomıka • Búgin, 07:28

Tarıh tarazysyndaǵy tórt jaıt

Tarıh • Búgin, 07:15

Salǵyrttyq san soqtyrmasyn

Qoǵam • Búgin, 07:10

Kósh basynda – Meıvezer

Kásipqoı boks • Búgin, 07:10

Eldik nyshandar tarıhy

Qazaqstan • Keshe

Uqsas jańalyqtar