Qoǵam • 11 Mamyr, 2020

«Iýjnyı» jabyq áskerı qalashyǵynda 60 páterli turǵyn úı paıdalanýǵa beriledi

15 retkórsetildi

Qorǵanys mınıstrliginde kezekti apparattyq keńes ótti. Qyzmettik turǵyn úı qoryn jańartý, Qarýly Kúshterdegi alǵashqy PTR zerthanasyn iske qosý jáne jeke quramdy koronavırýsqa aýqymdy testileý, áskerı qyzmetshilerdiń Arys qalasyndaǵy qyzmeti jáne əsker ómiriniń basqa da ózekti máseleleri kún tərtibine qoıyldy. Bul týraly mınıstrliktiń baspasóz qyzmeti habarlady.  

Áskerı qalashyqtardyń ınfraqurylymyn damytý, áskerı qyzmetshiler men olardyń otbasylarynyń ómir súrýi úshin qolaıly jaǵdaılar jasaý – áskerı basshylyq nazar aýdaratyn basym baǵyttardyń biri. Osy aptada elimizdiń Shyǵysyndaǵy Aıagóz garnızonynyń áskerı bólimderiniń áskerı qyzmetshileri turatyn «Iýjnyı» jabyq áskerı qalashyǵynda 60 páterli turǵyn úı paıdalanýǵa beriledi. Atalmysh turǵyn úıde syrtqy jylý trassasy men ishki alań jelileri jóndelip, úılerdiń shatyry aýystyryldy, jańa terezeler men esikter ornatylyp, ishki jeliler men árleý jumystary júrgizildi, sondaı-aq, aýla aýmaǵy abattandyryldy.

Qorǵanys mınıstri turǵyn úıdi tapsyrý aldynda júrgizilgen jóndeý jumystarynyń sapasyn tekserýdi uıymdastyrýdy, sonymen qatar, áskerı qyzmetshilerge kiltterdi tapsyrý boıynsha tıisti is-sharalar ótkizýdi tapsyrdy.

Sońǵy ýaqytta atalmysh áskerı qalashyqtyń kelbeti túbegeıli ózgergenin atap ótken jón. 18 turǵyn úıde 1 350 páter, onyń ishinde 14 pəter tolyq jóndeýden ótti. 2020 jylǵa arnalǵan josparda 36 ǵımarat pen nysandy kúrdeli jóndeý josparlanǵan. Aǵymdaǵy jyldyń shilde aıynda kúrdeli jóndeýden keıin 70 páteri bar taǵy bir turǵyn úıdi tapsyrý josparlanyp otyr. 

Keńestiń kún tártibindegi mańyzdy máselelerdiń biri Qarýly Kúshterdiń alǵashqy PTR-zerthanasyn qurý boldy. Ol Almaty qalasyndaǵy Qarýly Kúshterdiń sanıtarlyq-epıdemıologııalyq ortalyǵy bazasynda qurylǵan.  Zerthana ǵımaratynyń úı-jaılary jóndelip, qajetti jabdyqtar ornatylyp, iske qosý jumystary júrgizildi, sondaı-aq arnaıy mamandar, onyń ishinde vırýsologtar daıyndaldy.

Atalmysh zerthanany paıdalanýǵa berý Qarýly Kúshterdiń jeke quramyn, ásirese ınfeksııanyń taralýyna qarsy kúres jónindegi is-sharalarǵa, koronavırýsqa testileýge tartylǵandardy keńinen qamtýdy qamtamasyz etýge, sondaı-aq basqa da PTR-zertteýlerdiń qajetti kólemin júrgizýge múmkindik beredi. Bul týraly tıisti nusqaýdy Qorǵanys mınıstri bergen bolatyn.

Keńeste mańyzdy məseleler qataryn QR Prezıdentiniń Jarlyǵyna sáıkes aǵymdaǵy jyldyń 31 tamyzyna deıin ótkiziletin merzimdi áskerı qyzmetke azamattardy shaqyrýdy de qamtydy.

Vedomstvo basshysy atap ótkendeı əskerge shaqyrylatyndar densaýlyǵynyń qaýipsizdigi úshin qatań sharalar qabyldaý, jergilikti áskerı basqarý organdarymen birlesip PTR-testileýdi uıymdastyrý qajet. Budan bólek, barlyq talaptar men belgilengen merzimderdi saqtaı otyryp, jeke quramnyń áskerı bólimderge kelýi boıynsha oqshaýlaýdy uıymdastyrý sharalaryn júzege asyrý kerek.

Elorda men basqa da óńirlerde aýmaqtyq qorǵanys bólimsheleri tótenshe jaǵdaı rejımin qamtamasyz etý jáne koronavırýstyq ınfeksııanyń taralýyna qarsy kúres boıynsha mindetterdi oryndaýdy aıaqtady. Osy aptanyń sońynda jospar boıynsha dezınfeksııalyq jumystardy Qaraǵandy oblysynyń aýmaqtyq qorǵanys brıgadasy aıaqtaıdy.

Arys qalasyndaǵy áskerı qyzmet te keńes barysynda qaraldy. Qazirgi ýaqytta oqıǵa ornynda tótenshe jaǵdaı saldaryn joıý boıynsha biriktirilgen qurama óz jumysyn jalǵastyrýda.

Azamattardyń qaýipsizdigi maqsatynda qorǵanys vedomstvosynyń basshysy jazǵy demalys pen demalystardyń bastalýyn eskere otyryp, jergilikti turǵyndarmen sapaly aqparattandyrý ótkizýdi tapsyrdy.

Qaýipsizdik pen qoǵamdyq tártipti qamtamasyz etý úshin áskerı basshylyq iri garnızondarda, temir jol vokzaldarynda, qoǵamdyq oryndarda áskerı patrýlderdiń təjirıbesin jalǵastyrýdy tapsyrdy. Bul sheshim tártipti saqtaýǵa, kıim nysanyn kııý erejeleri men qosa áskerı qyzmetshilerdiń etıkasyn saqtaýǵa baǵyttalǵan.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar