Aımaqtar • 11 Mamyr, 2020

Shymkentte 8380 jańa jumys orny qurylady

84 retkórsetildi

Bul týraly aqparattyq kommýnıkasııa-ortalyǵynda ótken brıfıngte Shymkent qalasy ákiminiń birinshi orynbasary Erbol Sadyr málim etti.

- Elimizde tótenshe jaǵdaı engizilýine baılanysty memleket tarapynan arnaıy antıkrızıstik sharalardy qoldaný arqyly, ekonomıkamyzdy   damytýǵa tıisti qarjy bólingen. Bul rette Shymkent qalasynda da naqty sharalar qolǵa alyndy. Qala boıynsha jumyspen qamtýdyń jol kartasy arqyly 224 jobany qarjylandyrý maqsatynda 45 mlrd teńge qarjy bólingen. Jobany júzege asyrǵan kezde 8 380 jumys orny qurylatyn bolady. Jumyspen qamtý ortalyǵy arqyly 4 190 azamat jumyspen qamtylmaq. Joǵarydaǵy 224 jobanyń 223-i boıynsha memlekettik satyp alý konkýrstary jarııalanǵan. Qazirgi kezde jumysyn bastaǵan 67 joba aıasynda 2 141 jumys orny ashylyp, 532 azamat jumyspen qamtylǵan, - dedi qala ákiminiń birinshi orynbasary.

Karantınniń engiziliýine baılanysty jumysynan aıyrylǵan azamattardy qoldaý maqsatynda 42 500 teńge áleýmettik tólem taǵaıyndalǵan bolatyn. 

Bul oraıda, búgingi kúnge deıin qalada 282 745 adamǵa 42 500 teńge kómek taǵaıyndalyp, 280 633 adamǵa 42 500 teńge tólengen. Osy merzimde 17 593 otbasyǵa 2 mlrd 411 mln. teńge AÁK tólengen. Al kepildendirilgen áleýmettik paketpen qamtamasyz etý boıynsha AÁK taǵaıyndalǵan otbasylardyń balalaryna 27 986 balaǵa osy áleýmettik paketpen aı saıynǵy azyq-túlik berilýde.

Aıta keterligi, tótenshe jaǵdaı kezinde áleýmettik toptamalardy alatyn azamattardyń qatary ulǵaıtylǵan. Onyń ishinde:

- 6 jastan 18-qa deıingi balalarǵa naqty 31 737 balaǵa 517 mln teńge tólengen. 

- 16 jastaǵy múgedek balar men barlyq jastaǵy I, II, III toptaǵy múgedekterge, 34 149 azamatqa 189.7 mln teńge qarjy tólengen. 

- Múgedek bala kútimimen aınalysatyn ata-analarǵa 4 843 azamatqa 26 mln 900 myń teńge tólengen.

- Jumyspen qamtý sharalaryna tartylǵan azamattarǵa 4 292 adamǵa 23 mln 800myń teńge qarjy tólengen.

- «Biz birgemiz» qory arqyly 41 630 azamatqa ár otbasyna 50 myń teńgeden 2 mlrd 81 mln qarjy tólengen. Sonymen qatar, halyqtyń 20 myń osal toptaryna 50 betperde tegin úlestirilgen.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar