Dúısenbi men juma aralyǵynda saǵat 10.00-den 18.00-ge deıin kásipkerler HQO-da jyljymaly/jyljymaıtyn múliktiń kepil shartyn jáne onyń qosymshasyn tirkeı alady.
Azamattardyń kóptep jınalýyn boldyrmaý úshin HQO tek ákimdikten aldyn-ala berilgen, nesıelendirý boıynsha oń sheshim alǵan uıymdardyń tizimine sáıkes jumys isteıdi. Azamattarǵa arnalǵan úkimet memlekettik qyzmetterdiń ýaqytyly ári sapaly kórsetilýi úshin bıznes ókilderinen qujattardyń tolyq paketin birden usynýǵa keńes beredi jáne HQO-da ESQ men anyqtamalar berilmeıtinin eskertedi.
«12 mamyrdan bastap HQO-ǵa tek zańdy tulǵalar bara alady. Al qala turǵyndary memlekettik qyzmetterdi onlaın rejımde alýdy jalǵastyrady. Qazirgi tańda memlekettik qyzmetterdiń 80% - dan astamy egov.kz portalynda qoljetimdi ekenin eskertemin. Portaldy paıdalaný úshin ESQ bolýy shart. Elektrondy sıfrlyq qoltańbany búginde portalda qashyqtan rásimdeýge bolady»,- dedi «Azamatarǵa arnalǵan úkimet» memlekettik korporasııasynyń Shymkent qalasy boıynsha fılıal dırektory Danabek Isabekov.
Sanıtarlyq-epıdemıologııalyq rejımdi saqtaý maqsatynda HQO-ǵa kezektiń ýaqytyn brondaý úshin egov.kz portaly nemese 1414 nómirine qońyraý shalý arqyly belgilýge bolady. Halyqqa qyzmet kórsetý ortalyqtaryna barǵan kezde qashyqtyqty saqtaýdy suraımyz, medısınalyq maskalardyń bolýy mindetti.
Ańyqtama: Jumys kestesi: DS-JM, 10.00- den 18.00-ge deıin úzilissiz.
Zańdy tulǵalarǵa qyzmet kórsetetin HQO mekenjaılary:
1. Abaı aýdandyq HQO, Mádeli Qoja kósh., 1/16G
2. Ál-Farabı aýdandyq HQO, Á. Jangeldın kósh., 13A
3. Eńbekshi aýdandyq HQO, Shyǵys m.a., 116/1
4. Qarataý aýdandyq HQO, Q. Tólemetov, kósh., 35
